الأربعاء، 19 مايو 2010

سقوطٌ ناعم



.

تافهةٌ مثل مكالمةٍ لا يرغبُ في استقبالها أحد
كلُّ ما أريدُه هو رجل
قطعةُ الحشيش التي تُعيد وصلي بعالمي الذي أحبه
حُقنة المُخدر التي تنقلني إلى براح الهلوسة

الرجل الذي حذَّرتَني من خطر الاقتراب منه
يحبُّني أيضاً
(أنا محظوظٌ / أنا أتألمُ
أنتِ تشبهين أحلى امرأةٍ رأيتُها )
يفقأون أعين وحدتي فتصرخ
الونسُ مؤقتٌ

على حافةٍ ما
يُضعفني الحنان البرىء
يُدغدغ الهواءُ حواسى فأسكرُ

أفتقدُ افتقادَ رجلٍ لي
أحتاج إلى النور وأغلقُ عينىَّ بمواجهته


سأذهبُ كامرأةٍ تحب
أقف ساعةً كاملةً أمام المرآة
لأتأكدَ من إختفاء الألم والفرح معاً
استسلمُ لوجودك الشافي
أضع رأسي في الفريزر وألقى أذنيَّ إلى النيل
اُفرِغ قدمىَّ من الطريق وأقصُّ أصابعي
أسقطُ من الطابق العاشر دون أن أرتطمَ بالأرض

لن تملأ عينيك بي ولن تُثبِّتَ ابتسامةً ساخنةً على شفتىَّ
أحتاجُ لآخر كي أعرفَكَ خارج الرَّغبة

لا تتنازل عني
كُن جديراً بي
خذني بقوة إليك
من سيبتسمُ لي فأحوِّلُ رأسي باتجاه شمسه ؟




......

اللوحة للفنان فيرنر
.





.

10 التعليقات:

غير معرف يقول...

مش عارفة اقولك اية

كلماتك يا غادة واقع انا عايشة ممكن ميكونش متطابق بس يشبة كلامك حاسة انك بتكتبى كل حاجة عنى او دخلتى جوايا وطلعتى كل اللى انا عايزة اقولوة بكل خفة وجراةوسلاسة ساحرة او عارفة كمان انا حاسة انك بتشوفينى من خلال البلورة المسحورة بس بجد ان مش بقرء حروف انا بشوف صورة بتتجسد قصادى او حكاية درامية جميلة

احاسيسك جميلة جدا يا ست الحسن

مش بكتب الكلام دة مجاملة بس انا بستمتع جدا بكلماتك وبعيش فيها ممكن تاخدنى لعالم تانى احتمال يكون موجود فى الحياة اللى بنعيشها واحتمال ميكونش موجود بس الاكيد الاحساس واللى بيقدر يعبر

حيرانة

غير معرف يقول...

عايزة اقولك كمان انى برتاح لما بقرءلك حاجة جميلة وكنت بدخل عندك كتير بس دى اول مرة اعلق فيها

حيرانة

زيان وزيري يقول...

جميله قوي يا غاده

ممتعة

P A S H A يقول...

أكثر من راااااااائعة

تسلم إيدك بجد .. عندك قدرة مدهشة على توظيف المفردات في صور لغوية جديدة

:))
محتاج أقراها تاني إذا سمحتيلي

تشرفت بالزيارة وأرجو أن تتقبلي مروري

:))

خالص تحياتي وعميق احترامي وتقديري

اميرات الاسرار يقول...

السلام عليكم


بجد كلمات رائعة جدا
واحساسك جميل

تقبلى مرورنا
اميرات الاسرار

مجدي عزمي يقول...

عجبتني اوي يا غادة التفاصيل النظرة اللماحة
كل عمل ليكي بيخليكي تقتربي من منطقة الحداثة اكتر من الأول في الشكل والمضمون
سؤال : تفتكري في رجل ممكن يتمسك بإمرأة مش فارقة معاها .. على شفا البعد والهجر
بصراحة .. نفسي اقول حاجات كتير بس الكلام محشور في حلقي
مش عارف اقولك .. ان اللوحة تشبهك كتير نظرة ترقب وقلق وتحفذ في نفس الوقت

أحمد فرحات يقول...

نص تفريغ رائع يا غادة هانم
عجبني كتير
القراءة لعدة مرات وسيلة جيدة لفهم النص الذي يبدو للوهلة الأولى نص اليومي و العادي لكن مع تكرار القراءة أصاب بحالة من الوعي بإيقاع النص الذي يحيل إلى عالم آخر أظنه خلق من خيال خصب و إلى خيال قميء يشبه الواقع كثيرا
لكن عموما النص عاجبني جدا
ودّي

بنت شارع يقول...

لاأعرف يصيبني النص بالحيرة فلماذ تتمسك امراءة برجل اذا كانت مضطرة ان تقف ساعة امام المرآةللتأكد من جمودها ومواتها لخظة لقائها به
سأذهبُ كامرأةٍ تحب
أقف ساعةً كاملةً أمام المرآة
لأتأكدَ من إختفاء الألم والفرح معاً

بنت شارع يقول...

لاأعرف يصيبني النص بالحيرة فلماذ تتمسك امراءة برجل اذا كانت مضطرة ان تقف ساعة امام المرآةللتأكد من جمودها ومواتها لخظة لقائها به
سأذهبُ كامرأةٍ تحب
أقف ساعةً كاملةً أمام المرآة
لأتأكدَ من إختفاء الألم والفرح معاً

ست الحسن يقول...

حيرانه

وجودك في الدنيا بيخليني أكتب واكتب واكتب
أنا بحس اني بعمل حاجة بجد لما حد بيقولي ان الكتابة لمست معاه أو إنها تشبهه

ممكن تسيبي أثر انك مريتي بعد كدة
فرقتي معايا أويييييييييييييي

ونورتي جداً

...........

زيان

إيه النور ده كله
أول مرة تنور المكان
انبسطت خاااااالص بتعليقك
وشكراً جداً ع الدعم والتشجيع

هستنية تعليقاتك على طول

........

باشا

أهلاً بيك في الزيارة الأوبى
ونورت المدونة يا افندم
مبسوطة ان النص عجبك
وياريت تنوررنا على طول

.......

أميرات الأسرار

مرورك أنا اتعودت عليه خلاص
نورتوني وبتنوروني دايماً

.......

مجدي

أولاً انت تقول اللي انت عايزه أياً ماكان
وأنا أحب اسمع رأيك كامل دايماً

وبعدين
الاستنتاج ده بافتراض اننا كلما استخدمنا كلمة ( الرجل ) نقصد نفس الشخص

هقولك مفيش راجل بيتمسك بست مش فارقة معاها
بس مين اللي قال ان الست اللي مش فارقة معاها فعلاً بتقول انه الحدوتة مش فارقة معاها

اللوحة عجبتني أوي لإن تعبيرها قوى جداً
عايزاك تدخل هنا تاني وتقول كل الكلام اللي مقلتوش

........

أحمد فرحات

أول مرة تنور المدونة يا افندم
مبسوطة يمرورك وبقرايتك الخاصة

نورت يا أحمد
وأتمنى تمر دايماً

..........

بنت شارع

مبسوووووطة بوجودك جداً
وانتي عارفة

عندك حق أوي في الحيرة
ساعات لما بنكون مش مستحملين مشاعرنا بنتصور ان الناس كمان مش هتستحملها

وساعات لما المحبوب لا يكون محباً بيبقى الحب مشاعر تسبب الخجل ويجب إخفائها بكل الطرق

في النهاية البطلة دي غلطانة أوي
لإن مفيش أي داعي للإهتمام برجل لا يهتم

هتيجي تاني صح
هستناكي يا جميلة