الثلاثاء، 3 فبراير 2009
ا فبراير
فرشاة الأسنان لن تعثر على فتافيت الذكريات العالقة
والحدوتة لن تنفتح كمظلة لتقى القلب
أما الكتاب فسيحتاج زمناً كي يُخرج كنوزه ببطء
الكوتشي الأبيض الكبير يبتسم بطفولة
ويخبرني أن 41 ليست رقماً كبيراً مقارنة بعمري
هكذا وصلت الهدايا إلى النافذة
.........
Search
تسكب جمالها دون طائل
اضغط على الصورة للتحميل
تقفزُ من سحابةٍ لأخرى
اضغط على الصورة للتحميل
من أنا
- ست الحسن
- اسمي غادة خليفة / لما كانوا الناس بيسألوني وأنا صغيرة عايزة تطلعي إيه لما تكبري كنت بسكت / مقدرش أقول لحد عايزة أطلع رقاصة/ برسم بحكم دراستي للفنون الجميلة/ خدت قرار إني أغير حياتي وأنا عندي 30 سنة / ركزت في الكتابة وطلعت ديوانبن وعندي مدونة اسمها ست الحسن / بشتغل كروشيه وبستمتع أوي بتركيب الألوان مع بعض في الكوفيات والبلوفرات / مهتمة اهتمام خاص جدًا بعلم النفس بستمتع بقراية الكتب والناس / ودي أكتر سي في بتقول أنا مين كتبتها في حياتي. :))))
Facebook Badge
إقبال جماهيري ماحصلش
-
عزيزي الغضب: أهلًا بك في حياتي مرةً أخرى، هل أزعجتُ نومَكَ؟ حينَ تنامُ تعتلُّ حياتي أحتاجُ إليكَ يقظًا معي. متى ظهرتَ في حيا... -
حينما أحب أبحث عن العلامات أجري باتجاه أي علامةً تدلُّ على المحبة وأتجاهل كل الأشياء التي تصرُّ على إخباري الحقيقة كنتُ أتصور اسمه الذي دخل...
-
يعني أعمل ايه في الليلة البني دي واحد عمَّال يكلمني عن الستات الوحشين اللي محتاجين واحد يلف ويدور عليهم ويعني هو غلط في ايه ؟ هو بس قالها عا...
-
. . . . وحشتني المدونة أوي والمفروض أكتب نص فرحان ومزأطط كسبت أول جايزة ف حياتي – احتمال تكون الأخيرة بردو محدش عارف – الملتقى العربي لقصيدة... -
شو عدا ما بدا ما بتفرق مع حدا صرنا بدنا نبيع ألماظ الخواتم ... دهب المناجم تا ندفع بالمطاعم فاتورة الغدا . (1) . . على الكرسي الذي لا يت... -
. إلى الغزالة الصغيرة أو إلى جيلان الشافعي . . أول حاجة كانوا المفروض يعلموهالنا في المدرسة إنه كل واحد مطلوب منه يعرف أجوبة الأسئلة بتاعته ... -
. . هند هي الوحيدة التي أستطيع أن أحكي معها بلا مخاوف ألقي كل ما بداخلي دون أن تقاطعني أو تصادر مشاعري أيَّاً ما كانت أحكي مثلما أتكلم مع نف... -
لا أعرف لماذا أنا هنا أشعر بافتقادٍ حادٍ لحريتي لم أعد أستطيع القفز هنا كما أشاء تحت مراقبة غريبة ولزجة أشعر بأسلاكٍ تمنعني من الحركة والانط...
-
لأنني لا أجيد الاحتفاظ بالأشياء بداخلي وتملؤني رغبة دائمة بتعرية مشاعري أرغب في أن أصنع حدوتة من مرورٍ عابرٍ لا أحد يكتب حكاية قبل أن تبدأ خ...
-
. . أحتاج إلى الأمل أنا تقريبًا في قعر البئر الجاف الذي يسمونه حياتي أكتبُ لنفسي لأنني جربت الآخرين ولم يتحملوا مشاعري الناس ترغب بالدف...
نساء يركضن مع الذئاب - كلاريسا بنكولا
الكتاب ده غير حياتي
15 التعليقات:
ذبوست رائع و بة غموض كبير شفرة بس عجبتني طريقة كتابتها
التكثيف عالى و متميز
القدرة على الولوج إلى عالم الانسان من خلال عالم الاشياء الجامد/الحى منحنى رؤية جمالية مخالفة و مختلفة
بوست اكثر من رائع يا غادة
و انتظرى قصة جديدة أكتبها الآن
قد تقرأينها غدا
فرشاة الاسنان ستعلق بخيط سعادة قادمة فتشده الي النور
الحدونه لم تبدأ بعد
الكتاب سوف يلمع كالماسة وسط الرحاج ولكن الماس يحتاج الي زمن
اما الكوتشي الابيض فسيبدا خطوة اولي نحو عالم حديد يتسع خارج النافذة
البوست هايل يا دودو
nudy
قالت المفيد
:)
هو انتي بتاكلي الذكريات يا غادة ؟
أنا ممكن آكل في نفسي , لكن الذكريات بتبقى تقيلة شوية على معدتي
مش مهم
المهم إن الصورة عجباني رغم إني مستغربها أوي
أما الصورة بتاعت الكوتش دي فجامدة جداً
حاجتين هما أكتر شيء ممكن يضايقوا البنات , مقاس رجل كبير و عمر بيفوت - المجال مفتوح لأي إضافات - اللعب عليهم كان حلو أوي .
بس هي الهداية لحقت توصلك بسرعة كده
دا انا لسه باعتها
منتهى التقدير يا جميل
معلش يا غادة
أنا كنت عايز أتأكد إن اللي قال التعليق بتاع منحنى رؤية جمالية مخالفة
يبقى حسام بتاعنا
يعجبنى دائما التفائل الحذر
فلسفة عميقة أم هذيان صارخ ؟
عموما المدونة جميلة ..
نترقب المزيد :)
:)
كل سنة وانتي طيبة
كل هذه الهدايا ربما هي علامات اقتراب ظهور سانتا
...
..
من يدري
مواطن مصري
أهلاً بيك في أول زيارة للمكان
فرحانة ان البوست عجبك
والموضوع مش غامض بس مش كل الناس عارفة ان 1 فبراير كان عيد ميلادي
بس كدة
نورت يا افندم
........
حسام
مبسوطة ان البوست عجبك ومستنية القصة
وبصراحة فرحانة انك رجعت بقوة للكتابة
بالمناسبة الكتاب اللي اتذكر في البوست ده الكتاب بتاع محمود البدوي
.......
نودي
والله ما عارفة أقول ايه
بس يارب
على فكرة الفرشاة بتسلم عليكي أوي
..........
مينا صديقي
شوف مجرد وجودك هنا بس بيفرحني
حتي لو كتبت نقط
متشكرة ع التضامن مع نودي يا افندم
.......
محمد سلامة
بص انا مفكرتش ان ذكرياتنا بتبقي في أسناننا بس لوفكرت فيها بصوت عالي ممكن تبقى جميلة
أنا بس كتبت عن الفرشاة لأن فيه فرشاة جاتلي هدية فعلاً
آه حسام بتاعنا ايه المشكلة يا محمد
نورت يا افندم
...........
سولي
أنا مبسوطة ان فيه حد قدر يشوف التفاؤل
نورت يا افندم
.........
أحمد الحيدر
نورت في أول زيارة
وكويس ان المدونة عجبتك
بس متهيألي هذيان صارخ
نورت يا افندم
.......
كاميليا
تفتكري علامة على ظهوره
تفتكري انه موجود أصلاً
ولو موجود تفتكري هكون قادرة أشوفه
مش عارفة أقولك ايه
بس مساحة الخيال تقريباً أكلت الواقع كله
وانتي طيبة وبخير يا قمراية
........
يااااه
هو فيه لسه حد بيكتب شعر؟
هو أحنا لسنا ما أنقرماش؟
كأني قابلت أخر Unicorn في الوجود
تحياتي
وليها قعده مطوله المدونه الجميله والمدهشه دي
لا أملك هنا سوى تسجيل إعجابى بصمت
فتقبلى صمتى
ومرورى
::)
رائعة يا غادة
سخرت ِ موقف عيد ميلادك وهداياه في كتابة أجمل نص أدبي عميق وحساس
متميزة جداً يا غادة عن جد رائعه
..
أعجبني جدا تعليق محمد سلامة الأول
ملاحظة جميلة عن ما تكرهه الفتيات وقد صدق فعلا
وأضحكني جدا تعليق محمد سلامه الثاني
بجد رائع وروحك حلوة
اتمنى ان اراكم مره اخرى ياغادة
alxandrian far away
أهلاً بيك في مرورك الأول هنا
ولسة فيه ناس بتكتب شعر كتيرة
بس المهم انه يكون حقيقي ومن القلب
متشكرة أوي
ومبسوطة ان المدونة عجبت حد بيكتب بعمق زيك
نورت يا افندم
.........
ريحانة الجميلة
أخيراً تنازلت وشرفتينا يا افندم
مرورك الأول جميل
بس هتيجي تاني مش كدة
........
فاطمة
انتي فين؟
أهلاً بيكي
وكويس ان النص عجبك
ويارب تيجي تاني وتلاقي حاجات تعجبك
نورتي يا افندم
.....
حلو النص قوي قوي قوي
..
في لحظات بتبقى قادرة على خلق نصوصها
زي لحظة الميلاد
المهم نكون مستعدين والقلم ف ايدينا عشان نسجل
..
كل سنة وانتي طيبة
ياقمراية
إرسال تعليق