الثلاثاء، 27 يناير، 2009

signs





حينما أحب أبحث عن العلامات
أجري باتجاه أي علامةً تدلُّ على المحبة
وأتجاهل كل الأشياء التي تصرُّ على إخباري الحقيقة

كنتُ أتصور اسمه الذي دخل في حدوتةٍ مع (ست الحسن)

هو إشارةُ لي لأمشي باتجاهه
وأتجاهل أن طريقته في مصافحتي هي إشارةٌ كي أبتعد
أعرف الآن أننا نستطيع الكلام عن العلاقات السابقة ببساطة
حينما تكون لدينا علاقاتٌ جديدة

أرغب في التحدث عن العلامات
ولا أودُّ الكلام عن الذاهبين ...

الولد الذي يأتي باتجاهي يقصدني

ولا يرغب في استبدالي بأخرى ربما تريده أكثر
يعرف أنني لا أحبه وأنا أيضاً أعرف

مع ذلك كلانا يدرك أنَّ الوقت يفعل أشياءً كثيرة

الولدُ يجيبني على السؤال ببساطة...
لم أكن أنتظر الإجابة بالرغم من أنني لا أعرفها
لم أدرك أنَّ إجابة حقيقية تنتظر إلا حينما أتت

وحينما أطلب من الله أن يساعدني وأن يرسل لي رجلاً ...
ببساطةٍ في الطريق أجده
أنشغل عن العالم بالدعاء فيأتي هو إلىَّ

صدفةٌٌ غريبة وغير متكررة أو معتادة
أبتلع العلامات في صمت وأعرف معناها ولا أعرف كيف أتصرف تجاهها
فقط أترك نافذةً مفتوحةً بروحي كي يستطيع الهواء أن يلمسني .

أنا لا أحبه مع ذلك أعرف أنه يحبني

الولد ينجذب إلىَّ وبرغم خوفه الشديد يصرُّ على الاقتراب
برغم مخاوفه الكثيرة وبرغم المسافة الواسعة التي تفصل بيننا

الولد يعرف أنني لا أحبه ولا يعرف أنني أخافه
أحياناً تُذَكِّرُني نظرةٌ ما بعينيه بالقسوة

وأحياناً أتصور أنه يحتاج امرأةً لا شيء يدور بعقلها
حينما يخاف يتحول إلى صورة من الرجل الذي لا أستطيع التعامل معه
يصير كاذباً وقاسياً وبلا عقل.

هو يخاف أن أكون امرأةً شريرة تدَّعي البراءة
أو أن أكون عنيدةً جداً بحيث يستحيل لآخر أن ينشىء نسيجاً دافئاً معي ...
يخشي أن أستغلَّ سذاجته وأخدعه
( لماذا يتصور كل الرجال أنهم سذج ويسهل خداعهم )

بالرغم من أنَّ الأمر ينحصر في لحظات قليلة مذاقها حلو
إلا أنني أتراوح بين الافتتان بكوني محبوبة ومرغوبة

وبين الخوف من الوقوع في شباك رجل لا يمكن السيطرة عليه....

أعترف أنني معتادة على العلاقات التي أبدأُها
وأضع خطوطها العريضة وأتوقع ثلاث نهايات لها
هذا الرجل لا أستطيع كتابته أو توقعه ... لا أعرفه ...

لا يمكنني استنتاج طريقته في الرؤية أو التخطيط له

رجل لا أعرفه ولا أحبه وأخافه قليلاً
رجل لست منجذبةً له ولا أستطيع الكلام معه أكثر من خمس دقائق
لماذا تطاردني العلامات بشأنه ؟



.....

25 التعليقات:

soly88 يقول...

عندما نقع فى الحب يصعب التنبؤ والاستنتاج
وعندما تطاردنا العلامات تهوى السيطره
وعندما يغادر السهم القوس لايمكن استرجاعه

alexandmellia يقول...

مابقتش بثق في العلامات
بقيت بخاف منها
خصوصا لما الأمور كلها تبقي مظبوطة ومافيهاش غلطة بقعد ابص حوالين نفسي واسال
أين الخودعة

Che يقول...

مش عارف اقولك ايه على العلامات دى و على العلاقه اللى انتى ماشيه فيها دى غير انك تجربى ... ايه اسوأ حاجه ممكن تحصل ( طبعا لا اخفى ان بداخلى رغبه شريره لاعرف نهايه هذه العلاقه و معنى العلامات ) .. تحياتى على البوست المميز

Desert cat يقول...

مش دايما العللامات بتكون صادقة لاننا لما بنكون عندنا رغبة فى الشخص بنتوهم دائما حاجات

مودتى

pink paradise يقول...

طول عمرى أؤمن بالإشارات
و كنت اظن انى الوحيد المؤمن بها
و دلوقتى بقيت بخاف منها
مش خوف انها تتحقق
الخوف من انى اخالفها
لانى لما خالفتها خسرت
مع انى فى نفس المرة كان احساسى فى الأول و بياكد لى انى ماشى صح
و تغيرت الاشارات إلى انى مكملش
و مع ذلك كملت
يظهر الواحد بيعاند نفسه
او لمابيحس انه عاوز ده بيخلق الإشارات اللى تاكد انه صح
لكن الاشارات دائما هى التى تهزمنا

منذ سنتين أو اكثر
لتقيت بباوليو كويلو
ايوه.. بجد باولو كويلو بس طبعا مش لقاء شخصى
اللقاء كان فى ساقية الصاوى لما زار مصر
اللقاء كان يوم 23/5/2005
لقيته بيتكلم عن الإشارات فى حياته
من ضمنها الاشارات اللى خلته ياخد تحويشة العمر و يهيم على وجهه
ليكتب بعدها ( حاج كومبستيلا)
ملحوظة
عولج كويليو نفسيا مرتين
ياترى الاشارات حتودينا فين؟؟؟؟؟؟؟

Ahmed يقول...

لماذا لا تجربين ؟!
إن قرر الرجل أنه لن يقول .. قولي أنتي ..
هاجمي الموقف بأكمله، على أن تمتلك بداخلك إحساسًا عامًا بالقدرة على الدفاع عند الحاجة ..

الأمر أقرب إلى حرب .. :)

مياسي يقول...

والله مش عارفه

بس موضوع الإشارات عمره ما زبط معي أبدا

بحب أآمن فيه شخصيا بس بتعرفي كيف لما من جواكي تكوني هيك مش مقتنعه بالفكره أو بمعنى آخر مش لابقالك

بس أنا آخر أسطر حابه أعلق عليهم؛ في بداية إنجذاب واضح جدا؛ بس يا ترى لو حطينا العلامات على جنب شو ممكن يصير؟

عندك الجواب ترى:)

nudy يقول...

حبيبتي ست الحسن
عليك ان لا تتسرعي وعليك في نفس الوقت اعطاء الفرصة للولد ولنفسك ربما لو تركت الولد يفترب قليلا ورأيته عن قرب تغيرت بعض الحقائق بشأنه ربما استطاع هو الاخر ان يطمئن قليلا فيسمح لك ان ترينه بشكل افضل
اما عن العلامات فنحن احيانا ما نقوم بصنعها لانفسنا ارجوك فكري مرات ومرات وادعو الله ان ينير لك قلبك وطريقك ويطمئنك

محمد سلامة يقول...

و بعدين معاكي يا غادة , هو انا ما ورايش غيرك , أبطل كتابة انا بقى و اقضيها تعليقات في المدونة عندك
بجد بجد بجد أنا مبهور و على فكرة و الله مش سهل خالص ان حد يبهرني
اللي يخاف من العفريت يطلعله يا غادة
خوفك من هذا الرجل المجهول إذا وقر في قلبك سيتحول إلى يقين تام بأنه المصير المحتوم
و هتقع فيه يا حلو يعني هتقع فيه
بس بجد بوست جميل أنا قريته 3 مرات لحد دلوقت و لو قعدت اعلق على كل مقطع فيه يبقى مش هنام و مش هروح الشغل بكرة
تصبحي على غادة
ملحوظة
غادة = الخير

snohe يقول...

صديقتى
عندى فى مدونتى بوست كتبته من زمان اسمه الشاطر حسن
ياريت تقرأيه

snohe يقول...

عمرى ما صدقت الكلام عن العلامات والصدف

ست الحسن يقول...

soly88

صحيح بس عندماااا نقع مش لما نبقى واقفين برة بنتفرج
العلامات بقى فعلاً بتتحكم في اتجاه خطوتنا أو في اتجاه خطوتي ع الأقل

عندما يغادر السهم القوس لا يمكن استرجاعه

نورت ياافندم

.....

كاميليا الجميلة

بصي كل واحد وليه خبرات وطرق بيتعلم منها هو مين وايه بيلمسه فعلاً
عندي كانت العلامات دايماً مظبوطة حتى لو قررت اتجاهلها

متقلقيش مش دايماً لازم يبقى فيه خدعة
ساعات مبنعرفش ننبسط من الحاجات الجميلة اللي بتحصلنا لأننا بنبقى مش مصدقنها كفاية وخايفين

نورتي يا كوكو

.....

تشي

رغبتك مش شريرة ولا حاجة لأني عندي نفس الرغبة زيك بالظبط
وبصراحة أنا قررت أفتح الباب مقفلوش

وجودك دايماً بيفرق

.....
قطة الصحراء المشهورة

أهلاً بيكي في أول زيارة للمكان
وانتي عندك حق اننا بنتوهم العلامات لما نبقى عايزين نصدق حاجة كويسة بتحصل لنا

بس الموضوع هنا بالعكس
العلامات بتشاورلها انها تستنى شوية وتحاول تعرف أكتر ورغبتها الحقيقية بتقولها لأ كبيرة

نورتي يا افندم

......

حسام بك

كويس ان لسة فيه ناس العلامات بتأثر فيها... وباولو كويلهوا طبعاً بيكتب في الموضوع ده مثلاً ساحر الصحراء ومحارب النور وغيرهم

ويا حسام أحب أبلغك اني حاجزة جناح في السرايا الصفرا

بالمناسبة يا حسام
انت ايه حكاية التواريخ معاك ..دايماً لما بتتكلم عن أي حاجة حصلتلك بتكتب التاريخ جنبها

ما علينا
متشكرة أوي على اهتمامك ومتابعتك
نورت يا افندم

.....

أحمد

الحكاية مش كدة ومش خوف منه
وانا معنديش أي رغبة في دخول حدوتة مع هذا الشخص
والعلامات بتقولي انتي غلطانة وحاولي تعرفيه أكتر
وانا بفتح الشبابيك المقفولة جوايا وبحاول استقبله بشكل أوضح
بس
أكتر من كدة أبقى بتورط في حكاية مش بتاعتي ومعنديش رغبة فيها أصلاً

نورت يا افندم

.....

ست الحسن يقول...

مياسي الجميلة

أنا بحب وجودك هنا خالص وبحس انك بتتكلمي من قلبك

أنا على عكسك دايماً العلامات بتظبط معايا
وانا زيك مش عارفة الواحد ازاي ممكن يدخل في علاقة مع حد مش قادر يحسه أصلاً حتى لو كان الشخص التاني ده كويس

شوفي لو ركنا العلامات
أنا هادور وشي الناحية التانية وابعد في هدوء

نورتي يا مياسي

..............

نودي الجميلة

انتي عارفاني لو كنت مش ناوية أديله أي فرصة مكنتش كتبت عن الموضوع أصلاً وكنت قفلت ع الحكاية من سكات زي حكايات تانية كتيرة

وبعدين ما هي المشكلة اني مصنعتش العلامات دي وأصلاُ مش عايزة أمشي في سكتها

نورتي يا بطوطة

....

محمد سلامة

انت اللي وبعدين معاك يا محمد
هتفضل تكتب لي تعليقات دافية كدة كتير ولا ايه يعني

وبالنسبة لموضوع العفريت ده فعندك حق
الخوف أوقات كتير بيشدنا باتجاه الحاجات مش بيبعدنا عنها زي ما احنا متصورين

وبصراحة مش عارفة أقولك ايه
ربنا يسعدك يا محمد

.....

سنوهي

أهلاً بيك في أول زيارة للمكان

وانا قريت بوست الشاطر حسن وعندك حق في اللي بتقوله
بس ست الحسن هنا مبتمثلش بنت السلطان أو الجميلة المرغوبة أد ماهي بتمثل الوش اللي محدش بيشوفه من أمنا الغولة
ولو قريت هنا أكتر هتعرف ان أمنا الغولة هي اللي عاملة المدونة وبتستخبي ورا ست الحسن ساعات
ست الحسن هنا بتمثل كل الجمال اللي موجود جوانا وبنخبيه ومحدش بيشوفوا أبداً

ناس كتير زيك مش بيصدقوا الصدف والعلامات
بس انا بصدق

نورت يا افندم

Blank-Socrate يقول...

عزيزتى
انت لم تحبيه حتى الان
انت تخافيه
هو يحبك
و لكن حينما يخاف يتحول إلى صورة من الرجل الذي لا أستطيع التعامل معه
يصير كاذباً وقاسياً وبلا عقل.
-------------
لنعتبر كلامك علامه تدعو للتريث
:)

مياسي يقول...

ست الحسن
أنا بدخل هون بقلبي لأني بعرف أنك بتكتبي بقلبك:) ولازم الواحد يكون على مستوى الإشي ولا شو رأيك؟

ما تدوريش وشك إذا لإشارات بتحكيلك شيء؛ وحتى لو ما بتحكي مش عارفة يا غادة بس مرات إنو نعطي فرصة مش غلط

صدقيني إذا ما ناسبك الإشي لحالك حتعرفي تتطلعي من الموضوع

وأنا بستنى قصة الولد:)

على فكرة انتي من كتر ما بتسمي "الشباب" "أولاد" أنا بدأت أنسى إنهم رجال كبار وبشوارب!!!

البحث عن الذات يقول...

مش عارف ... انا لم اقراء البوست ده

بس جريت قبل ماتوهه افكاري بعد ما انا قراءة تعليقيك ع مدونتي ف بوست (تعليق ع بوست خايف)

انت جيتي ف وقت كنت بتألم م نفس المشكله
مش عارف انا كلامك كان بيحمل التأيد وانه مافيش حاجه غلط ولا ايه
بس صدقيني انا حاسيس اني مزود الموضوع شويه
بالنسبه لفكرتك بتاعة " يوم هييجي هتلاقي نفسك عايز ومحتاج تقرب من واحدة بعينها من غير أسئلة كتير ومن غير دوشة أو قلق"
انا مؤمن بالفكره دي اصلا ويمكن ده الي مخليني مش قادر اجري واقرب من حد انا نفسي اخرج مشاعري من اطار السيطره عايز ابقي بالشكل الي انت وصفتيه فعلا
بس لسه ولما بفكر بقول ولأمتي لسه ياسامح لما نات كبرت وعندك 33 وداخل في ال34 وبتقول لسه واولادك فين ودفئي انسانه جامبك فين والأستقرار امتي هايجي هتفضل صايع كده لأمتي من غير اسره وحياه خاصه
هيجي عليك كل يوم اليل وتلاقي نفسك لوحدك لأمتي هستنا الأنسانه الي ينطبق عليها الحاله الي انت قلتيها ..؟؟

انا اسف ع الأطاله
بس اعزريني انا كانت بتوجعني كل المشاعر دي وبتبدلني لبعضها لغاية ماشوفت تعليقيك..

انا نفسي ف كل ده بس مش طايل حاسيس بعجز بشلل امام مشكله كل يوم الف واحد بيجتازها .. شيئ لا يوصف الا انه رخم رخم رخممم ......

شكرا
واعزريني ان تكون اول زياره ليه عندك اشتكي واتكلم عن نفسي اكتر ما اعلق ع بوستك

البحث عن الذات يقول...

.................

"" هو يخاف أن أكون امرأةً شريرة تدَّعي البراءة أو أن أكون عنيدةً جداً بحيث يستحيل لآخر أن ينشىء نسيجاً دافئاً معي ...
يخشي أن أستغلَّ سذاجته وأخدعه
( لماذا يتصور كل الرجال أنهم سذج ويسهل خداعهم )""

يااااااااااه ه
عرفت ازاي الأحساس ده ياااااه اد ايه بيخوف الأحساس ده انا كان بيقتلني ومن شدته كان سبب نهاية علاقه قبل ان تبداء

انت قادره ع وصف المشاعر بالأخر

البحث عن الذات يقول...

بجــد البوست قوي
مش قوي عشان اي حاجه الأ لأنه كأنه بيوصف حالي تركبتي مشاعري وافكاري غروري احياناً, افتتاني بملاكاتي مع الاسف الممزوجه بعد الثقه ف النفسي ... معدله صعبه صح ..؟ صح

غريبه ... تعرفي انا بايني لازم اكتب بوست عن الموضوع ده
اجمل الأفكار الي بتيجي من غير اي ترتيب واجمل حب هفضل مستنيه هو الحب الي هيجي برضوه من غير ترتيب وع سهوه

مرسي
انا سعيد بجدبجد بزيارتيك عشان عرفت مدونتيك المعبره والقريبه لي ..
...........
**********

البحث عن الذات يقول...

عزريني ...

هذا هو انا ..

" بالرغم من أنَّ الأمر ينحصر في لحظات قليلة مذاقها حلو
إلا أنني أتراوح بين الافتتان بكوني محبوبة ومرغوبة
وبين الخوف من الوقوع في شباك رجل لا يمكن السيطرة عليه...."

:)

ست الحسن يقول...

بص يا مينا

أنا حسيت انك أخويا اللي خايف علىَ
وآه مش بتحبيه طب متستعجليش خدي وقتك

بجد مش عارفة أقولك ايه
متشكرة خااااالص

.....

مياسي الجميلة

انا متفقة معاكي اننا مبنخسرش حاجة لما بندي اللي قدامنا فرصة

وآه أنا مش عارفة لية بحب أقول عليهم ولاد مع إنهم رجالة كبار
يمكن لما هم يبقوا ولاد أبقى أنا بنوته صغيرة
جايز جداً

نورتي يا افندم

......

سامح

حاسس بالعجز أدام مشكلة كل يوم ألف واحد بيحلها

بس انت نسيت تقولي بيحلوها ازاي
فيه ناس بتدور على بنت الحلال الكويسة اللي تعيش وبس
وناس بتدور على بنت الحلال الكويسة اللي تعيش وتكون جميلة جداً وبتفهم ومواصفاتها كذا
وناس بتدور على بنت يحبوها ويتجوزوها وأي حاجة تانية تفاصيل
وناس بتدور على حد يكملها ويحبها ويفهمها

انت بتدور على حد خاص أوي يا سامح علشان كدة فرصتك انك تلاقيه أقل
وبصراحة لو عايز تتجوز وبس كنت اتجوزت من خمس سنين

تعليقك التاني في حد ذاته علامة لى
أصلاً البوست اللي علقت عليه عندك كان علامة
لأن حد من الناس قالي انتي متصورة انك بتعرفي والكلام ده مش حقيقي

والعلامة في مكانها أوي

وكلنا بني آدمين ومشاعرنا متشابهة
بس مش هنكتشف ده غير لما نعبر عنها فعلاً

نورت يا سامح

من اجل عينيك يقول...

رائعة ياغادة
بوست يميزه الغموض والذاتية
اسلوبك جميل جدا وانا سعيدة اني دخلت عالمك الجميل

اتمنى ان تتغلبي على الخوف وتجدي طريقك واضح

فاطمة
اكيد فاكراني ..
ساقية الصاوي ..
شلة الانس :)
فاكرة ؟

Soooo يقول...

انتي ليه باصه عالموضوع كأنه علامات؟؟

الانسان بطبعه بيتحكم فيه جزء من العقل الباطن .. لو هو متضايق شويه .. بمجرد ما يخرج من بيتهم في طريقه للشغل او لأي مشوار في الحياه .. ممكن مثلا يحصل موقف .. يقوم العقل الباطن مفسر ده على انه حاجه وحشه .. ولو هو خارج مبسوط .. بيفسر الموقف ده على انه حاجه حلوة

العلامات دي موجوده حوالينا دايما وفي كل مناحي الحياه .. ممكن ماتكونيش واخده بالك منها
وحتى لو انتي مقتنعه من جواكي ان في فعلا علامات بتشاورلك على حد معين .. هو كل الاشارات اللي بنشوفها .. بنمشي وراها من غير مانحكّم قلبنا وعقلنا
!!!





سلامووووووووووز

ست الحسن يقول...

فاطمة

مرورك الأول هنا جميل
مبسوطة ان البوست عجبك
وطبعاً فاكراكي

ومستنياكي الأربع اللي جاي

نورتي يا فاطمة

........

سووو

مرورك ع المدونة أكتر من رائع
متشكرة أوي لاهتمامك
وسعيدة بطريقتك في تحليل الموضوع

ونورت وبتنور دايماً يا افندم

sara rabie يقول...

ياااه يا غادة..فرحتينى تانى:))

اشارات..اشارات

انا مقتنعه بيهم جداااا

وبيظبت معايا ..احيانا..يعنى:))



المهم...بوست جميل
وعجبنى خالص

والبلوج كله كمان







صباحك ياسمين

snohe يقول...

أعرف الآن أننا نستطيع الكلام عن العلاقات السابقة ببساطة
حينما تكون لدينا علاقاتٌ جديدة

برافو عليكى
تحياتى