الخميس، 13 أغسطس 2009

أغنيةٌ للبعيد كي يبتعد

.
.
.
.
.
لا تراهن على الواقعىُّ
فلن تجد الشيء حيَّاً كصورته
في انتظارك ....

إن الزمان يُدجِّن حتى الجبال
فتصبح أعلى، أو أوطأ مما عرفت


....................................محمود درويش
.................................كزهر اللوز أو أبعد


.
.
.
.

النساء الصغيرات يتسمرن خلف النوافذ
يتأوهن من سمارٍ شهى غارق في نشوته
الرجل المعذِّب لا يبالي بهنَّ
عن عمدٍ وبقسوة
يخلع نصف ملابسه
كي تعكس بشرته لون البرونز الساطع

لماذا تعذبهنَّ يا حبيبي
قل لهن أن خلف هذا الجسد يوجد قلب مكتوم الصوت
لا يرى سوى امرأة نائمة ... ربما تستيقظ في يومٍ ما

كلُّ اللاتي يقبِّلنَك
لن يضعن يداً فوق جبهتك
ليعرفن
أنك تحترق
نارك تشتعل أكثر
لن تكتب عنك امرأة في السرير ( كان وحيداً معي )
لن يرى أحدُ دموعك التي لا تسقط
ولا أنا
أنا لا أعرفكَ
أكتب بإيحاءٍ من وهمٍ يسكنني
أنا لا أعرفك

مع ذلك أدرك عدم قدرتك على منح محبةً حقيقية
أدرك أن جداراً عازلاً ينمو داخلك
الدفء لا يصلك
لا يتسرب إلى ملامحك ولا يعبر مشاعرك
أنت لا تستقبل الحنان ولا ترسله
أنت مغلقٌ في كل الاتجاهات
وأنا أعرف
أنا التي أتألم منكَ / لكَ

أنت تستيقظ في سرير امرأةٍ جديدة وأنا أبكي
أنت لا تخونني لأنك لم تعرفني
أنت تخون امرأة أحلامك
الصغيرة التي لا تعرف
.
أنت تنام في سرير امرأةٍ جديدة
وأنا أحلم بك بعيداً وغريباً
تأخذ محبتي وتملأني بالخوف
منكَ / عليكَ

أنا ذهبتُ يا حبيبي
قبل أن تضعني وسط حبات مسبحتك الطويلة

لقد تركتني أتخلي عن أسمائك جميعها
لأن لي اسماً حقيقياً لم يترك أثراً بقلبك
فاذهب
وابتعد
أكثر

.

ابتعد

ابتعد أكثر يا حبيبي


.......................


من تعليقات أمنا الغولة

بحلم اني قتتلت حد ودفنته والحلم كان قوى لدرجة اني لما صحيت
قعدت أحمد ربنا انه حلم
انا فاهمة معناه وعارفة اني عملت كدة فعلاً في زمن من الأزمنة
مش عايزة أعمل كدة تاني
مش قادرة أقتل حد تاني
بس دا معناه اني أقعد أدور في لفات كتيرة مبتنتهيش
ومعناه اني أتحمل الوجع لما بيرجع للنقطة صفر ويبتدي تاني
بس اللي مبعرفش اتعامل معاه
هوه اني مببقاش فاهمة أنا ليه بيحصلي كدة

.

....................

19 التعليقات:

عين فى الجنة يقول...

انه هذا الكائن الذى يسكن فى مكان ما بين العقل والضلوع
الضمير هو السبب

رضوى داود يقول...

" مع ذلك أدرك عدم قدرتك على منح محبةً حقيقية
أدرك أن جداراً عازلاً ينمو داخلك
الدفء لا يصلك
لا يتسرب إلى ملامحك ولا يعبر مشاعرك
أنت لا تستقبل الحنان ولا ترسله
أنت مغلقٌ في كل الاتجاهات
وأنا أعرف
أنا التي أتألم منكَ / لكَ"
...
"ابتعد
ابتعد أكثر يا حبيبي"
..
عجبني
عجبني قوي
انا لو اعرف ان طلبي هايتنفذ بسرعة كده كنت طلبته من بدري
..
أمنا الغولة:موضوع الأحلام الحقيقية قوي ده الواحد يعمل فيه ايه ؟, طب و اللي يحلم انه بيتقتل يصحي يعمل في نفسة ايه؟؟

nudy يقول...

غادة البوست حلو قوي ومليان احاسيس كتير ومشاعر ووجع
غادة اعتقد ان الحاجات عمرها ما بتبتدي من النقطة صفر بس اكيد فيه حرف ناقص في الكلمة السحرية اللي بتفتح الباب علشان يخرج الوجع ويدخل النور علينا البحث جيدا والانصات حتي نراها ربما كانت في ركن صغير لم نلتفت اليه من قبل وربما تكون امامنا ولكننا لا ندرك معناها بعد فقط فلتنصتي ولتنظري جيدا

هاني مهران يقول...

مقدمة
_ ( انا كنت محضر نفسى بقى من كلامك آخر مرة على حاجات من إياها )

لكن طلع مش زى ما انتى حاولتى توهمينا _

نرجع للموضوع بقى :
جميل جدا بس كان محتاج جرأة أكتر فى مناطق معينة عشان توصل الحالة كما تريد هذه المرأة وصفها


اختيار محمود درويش فى الاول عجبنى

تعليق امنا الغولة
ما حستهوش كالعادة من شغل امنا الغولة


تقبلى مرورى

هاني مهران يقول...

قصدى كعادة مواضيع امنا الغولة كنت بحسها
( يعنى على خلاف حاجات امنا الغولة )

انتى عارفة انى بتاع عامية
مابعرفش اختار مفرداتى فى الفصحى او تراكيبها

سارح فى ملكوته يقول...

السلام عليكم
ازيك يا استاذتى الجميلة
ولا بلاش استاذتى علشان متزعليش
القصيدة تحفة حستها جدا بس اقولك حاجة بينى وبينك كان فى مناطق مش محتاجة الجرأة دى فى التعبيرات
مع خالص تحياتى

سابرينا يقول...

u know that is a perfection beyond beauty!
loveeeeeee it alot!

حلم بيعافر يقول...
أزال المؤلف هذا التعليق.
إبـراهيم ... يقول...

يووووه بقى يا غادة !!!
طيب، حلو قوي !


خلااااص كده يعني ؟؟ :)


رائعة ...

ماشي !

محمد سلامة يقول...

النص رائع يا غادة
كتاباتك عن الآخر الغائب الحاضر وصلت إلى مرحلة عالية من النضج , النص ده أعلاهم , حرصك الشديد على تأمل التجارب و خصوصاً تجربتك النفسية هو اللي صنع هذا النضج .
صباحك و مساءك قشطة و عسل
و خلي الفينو عليكي

من اجل عينيك يقول...

غادة انت بتفكريني احيانا بشهر زاد

واحيانا بكتابات شكسبير

اوعي تسأليني عن اي علاقة بين حكايات شهرزاد وكتابات شكسبير لاني مش هاعرف اوصل لك فكرتي
انا باتكلم عن كتاباتك عامة ليها نفس الطابعين


نص جميل جدا

أنا يقول...

أمنا الغولة صاحية عندى اليومين دول و عكسك يا غادة عايزة تقتلها كام حد كده ..
وعلى رأيك فليبتعد البعيد

البوست مسنى من أول حرف لأخر نقطة
وحشنى هنا آوى
:)

هاني مهران يقول...

كل عام وانتم بخير

بمناسبة شهر رمضان المبارك

غير معرف يقول...

ايه وجع القلب ده يا غادة
happy ramadan

سارح فى ملكوته يقول...

كل سنة وانتى طيبة
رمضان كريم

وحشااااااااااااانى جدا

مصطفى عبدربــه يقول...

أول زيارة للمدونة
وتفاجئت بهذا النص الرائع
تحياتي

ست الحسن يقول...

راجي

أنا وقفت كتير قدام تعليقك
في الأول مكنتش فاهماه وبعدين فهمت انه بس الضمير هو اللي بيمنعنا نعذب الناس

تسلم جداً
نورتني أوي


........

رضوى

اللي بيحلم انه بيتقتل معتاه انه هيبقى عنده حياة جديدة وفرص جديدة
والله أعلم

انتي بس أأمري

.......

نودي

عجبتني أوي حكاية الحروف الناقصة في الكلمة السحرية دي
ايه الجمال ده

تسلمي يا جميلة

.......

هاني

انا عملتلكم حالة إيهام بس يمكن كانت تخص نص تاني
ما علينا.... كوبس انه محمود درويش عجبك..هو مقطع قوى جداً

وكل سنة وانت بألف خير وصحة وسعادة يا افندم
ومتشكرين أوي ع المرور الخاص للتهنئة برمضان

...........

سارح هانم

مناطق فيها جرأة ... يا إسراء دا انا بحاول أبقى أجرأ من كدة كتير
ما علينا

وكل سنة وانتي بخير وصحة وسعادة ومتشكرة ع المرور الخاص برمضان
وانتي كمان واحشاني يا قمرة

نورتي يا افندم

..........

سابرينا

تعليقك لمسني ... وحسيت ان التدوينة عجبتك فعلاً

متشكرة خالص

........

إبراهيم

تسلم يا افندم ومتشكرة ع الدعم الجامد


.........

سلامة

لأ الفينو لأ مبحبوش ماله البلدي يعني
أقولك هنمشيها فطير مشلتت

مبسوطة أوي ان النص عجبك
تسلم يا افندم

........

فاطمة

شكسبير مرة واحدة .... دا كتير أوي
وشهرذاد ماهي موجودة من زمن

مري دايماً وقوليلي رأيك
تسلمي يا بطة

.........

أنتي

وانتي كمان المدونة مشتقالك
انتي فين كل ده

تعليقك بجد دافييييييي
تسلمي يا افندم

........

عزة هانم

أهه اللي حصل بأة
كل سنة وانتي بخير وصحة وسعادة

..........


ريزنج

يا رب بس متكونش آخر زيارة
ويارب دايماً تلاقي حاجة تعجبك
نورت يا افندم


...

بحلم يقول...

انت رائعة
وكالعادة لم يخذلني انطباعي الأول

علي فكرة أنا بحبك

Faten Ahmed يقول...

مش قادرة افكر اكتب ايه أو اعلق ازاي...دقات قلبي اعلى من الطبل وعاملالي إزعاج
مش قادرة اتصور إن فيه كتابة ممكن تبقى بالجمال دا والإحساس دا!..غادة انتي مذهلة