الأربعاء، 9 سبتمبر 2009

أحلام الأطفال وأحلامي

.

.









اللص

كان هناك لص
ليس محبوباً أبداً
كان يبحث كثيراً عن قطعة خشب
وكان مزعجاً
وفي أحد الأماسي
جاء للبيت
رأى امرأته
فقالت له:
هل تريد قبلة ؟
نعم يا زوجتي
إنني أحبك

آنا كاوبر / 8 سنوات
.....................................

استعداد

تستطيع أن تحلم إذا كنت تريد ذلك
لكنك لا تستطيع النوم
حين تنادي أمك
ستقول : إنني نائم
وتقول: لا أستطيع النوم حين يناديني أحد
حينها تكون مستعداً

هاى – يونغ لاو / 8 سنوات
.....................

حلم حب

عليك أن تحلم بالقصائد
سنلعب خارجاً بشغفٍ في صندوق الرمل
ونسبح مستمتعين في بركة الماء
فنكتب واجباتنا المدرسية معاً
وحين أقول إنك تحبني
ستفهم ذلك فوراً

محمد ساهي / 10 سنوات
...................................


خوفٌ من الليل

سريري دافىءٌ ومريح
لكني بالرغم من ذلك
أخاف من الليل
ثم بتُّ أخاف من حلمي
فمرة تلو أخرى ، أراني أغرق
في حوضٍ ملىءٍ برغوة القهوة

آوكيا كوب مانس / 10 سنوات

.......................



أحلام الأطفال أعادتني إلى أحلامي البعيدة التي لم أجرؤ على حكيها لأحد
أكثرها خطورة حلمت به وأنا في الصف الثاني أو الثالث الابتدائي
ولشدة تأثيره علىَّ لم أستطع نسيانه حتى الآن

" حلمتُ برجلٍ كبير يرتدي عمامة ويصعدُ إلى السماء داخل شىء يشبه سلة الخبز
كان معه آخرين ولكنه نظر لي وقال : أنا الله "
صحوت فجأة مفزوعة وخائفة أفكر أنني قد حلمت بالشيطان


أما عن الأحلام الخاصة بـ ( حكمت ) فأنا لا أتذكرها بقدر ما أتذكر خوفي الشديد منها
كنت في الصف الثالث الابتدائي وحكمت كانت زميلتي في الفصل
كانت لا تخاف من المدرسين مثلنا لأن أبلة فاطمة ( مدرسة الحساب ) خالتها
كنتُ أقف بجانب السبورة أكتب أسماء الذين يتكلمون أثناء غياب المدرس

حكمت وقفت فجأة وأخذت تقفز حولي وتقول ( ياللي أبوكي ميت .. ياللي أبوكي ميت )
أخذت تكررها كثيراُ وأنا أشعر بالخجل الشديد ولا أعرف كيف أدافعُ عن نفسي
في ذلك العمر لم أكن أعتبر موت أبي حدثاً مؤلماً ... على العكس كنت أتصور أنه الأفضل
لأن أمي تقول إنه كان سيضربنا كل الوقت ولن نجرؤ على التنفس في حضوره

بعد شهرٍ أو أكثر مما حدث ماتت حكمت ... قالوا إنها انتحرت

وقالوا إنها كانت تمشي بحذر على حافة النافذة

وتقول لأصدقائها إنها لعبة الموت ثم وقعت فجأة

حكمت ماتت وأنا لم أكن أحبها ... كنتُ أراها في الحلم وأخاف
أشعر بالذنب لأنني أكرهها وأخاف من انتقامها

.............................


1

رأيتُ الله يصعد السماء
دقات قلبي تتقافز
أخاف
لأن الشيطان يسرق اسمه

أخاف
أختبىء بسرعة
تحت الكعبة الملونة

.......

2

فوق البنايات العالية
تقفُ
ضحكتُها الشريرة تُطاردني
أدفن رأسي بصدر خالتي
تحت الأغطية الكثيفة
لا أستطيع أن أسامحها
لذلك أتمنى أن تسامحني

..............

الصورة رسمتها من الذاكرة لحكمت

قصائد الأطفال من كتاب ( ليس كل الأحلام قصائد)

أحلام كتبها مجموعة من الأطفال

ترجمة عبد الرحمن الماجدي

..............................

11 التعليقات:

غير معرف يقول...

ازيك ياغادة انارشا بقالى كتير مدخلتش عندك لكن لقيت ماشاء الله كم غزير استمتعت بيه بس انا بسئل سؤال هو في علاقه بين انك تفتكرى احلام الطفوله وبلكونة رمضان والشغل اعتقد كله بيصب فى حاجه واحده وان كنت اجهلها لكن يمكن انت تشوفيهااحسن منى عموما انا استمتعت بيهم كلهم وتقبلى مرورى باى

سمراء يقول...

خفق قلبي وانا اقرأ ولم استطيع تفسير ذلك
ولكني اعتقد ان احلام الأطفال هي احلام يقظة " تعبير عن الامنيات والمشاعر وحياه يرديون عيشها "
اما احلامك فهي ارهاصات نوم " تعبير عن المخاوف التي تطاردك "
اتمني ان تحل محلها احلام يقظة مثل احلام الأطفال الجميلة البريئة البكر

سمراء

Camellia Hussein يقول...

:)
عايزة الكتاب ده :)))
أنا كمان أحلامي بتعلق معايا أوي وبتلعب دور مهم في تحريك الأحداث ، وبفضل فاكراها بالسنين ، عشان كدة بكتب عنها طول الوقت

شاب مسلم يقول...

ان شاء الله بدأت لمسابقة على مدونتى بااسم يلا نعرف الصحابى
المطلوب
ان انت تجاوب على السوال
واضافة كل ما تعرف على الصحابى
http://shbabmoslm.blogspot.com/
ان شاء الله تضع الاجابة فى التعليقات
ويسعدنى مشاركاتك

nudy يقول...

غادة

ا نا مش عارفة اقولك ايه ولكن انا قلبي وجعني من لعبة الموت دي
اما عن الاحلام فهي كتير بتكون مراية للاشياء اللي مش بنقدر نشوفها في الحقيقة وبتظهر بوضوح في الحلم علشان تنور لنا السكة

الصورة جميلة قوي وفيها احساس عالي

رانيا منصور يقول...

أنا كمان عايزة الكتاب جدااااا

مرعب!

هو كلنا بنحلم كده؟؟

Unknown يقول...

السلام عليكم يا غادة .. كل سنة و انتي طيبة :)
عيدكم مبارك ..
مش عارفة ليه انتشرتالكتابة عن الأحلام بتاعت وقت النوم ..
انا لسة جاية من مدونة حد فيها كان كاتب عن الأحلام برضه ..
عادة احلام وقت النوم دي بتبىق انعكاس لمخاوفنا .. أو تصرفاتنا اللي بتنطبع داخل عقلنا الباطن ..
:)
خليكي فاكرة .. حكمت ماتت .. و اللي بيموت .. بيموت بجد .. !!

بحلم يقول...

الأحلام
آه من الأحلام

كل أحلام طفولتي كانت مرعبة..لكنني لا أستطيع اعتبارها كوابيس الآن
صعب ان أتخيل أن طفلا يري كابوسا حتي لو كان الحلم مزعجا

تحياتي يا جميلة

Blank-Socrate يقول...

جميلة و عميقة كالمعتاد
اما احلامى كطفل فدائما اكون مطارد من اعداد كبيرة ثائرة و بصعوبة انجح دائما فى الافلات منهم
و دائما اكون افضل حالا و ارق بالا بعد استيقاظى من تلك الاحلام
---------------
كل سنة و انت طيبة و جميلة

ست الحسن يقول...

رشا

ازيك يا جميلة
رأيك ده مهم أوي
احتمال يا رشا يبقى فيه علاقة فعلاً جاية من ان الحالة قريبة
وفيه احتمال اني ابقى بكرر نفسي من غير ما اخد بالي ودي حاجة هتبقى محتاجة وقفة وتغيير

متشكرة لمرورك ولاهتمامك

......

سمراء الجميلة

أحلام الأطفال فعلاً ملهمة وتلمس القلب
وأحلامي بتعبر عني ... ع الأقل وانا في السن ده

مش عارفة أقولك إبه
بس منين يعني هتيجي الأحلام البريئة يا سمرا
واقع زى بتاعنا ده تخصص كوابيس
بس مين عارف
يمكن بكون فيه نور بعيد هيقرب
والدنيا هتبقى أحلى

مرورك دايماً جميل

.......

كاميليا الجميلة

هو كتاب جميل للأسف مش بتاعي وانا رجعته لصاحبه
بس هو موجود في صندوق التنمية الثقافيه اللس في الأوبرا وهتلاقيه
وسعره مش غالي باين 7 جنيه أو حاجة كدة

الأحلام مهمة فعلاً
كنت أحب انك تشاركينا بأحلام طفولتك سواء في التعليق
أو تعملي لنا بوست
ايه رأيك

نورتي يا قمرة

.......

نوديييي

انتي الوحيدة اللي علقتي ع الرسمة
انا كمان حبيتها
سلامة قلبك يا قمرة

أكيد بتنور لنا أو هتنور لنا ان شاء الله

الله كريم

نورتي يا جميلة

.......

رانيا

الكتاب موجود
وكلنا بنحلم بس مش كلنا بنفتكر أحلامنا
بس هي مهمة يا رانيا
ف رأيي انها بتعكس الجزء اللي بترفض نشوفه أو اللي مبتعرفش نشوفه

بصراحة أنا بعتقد انها دايماً ليها معنى
حتى لو معرفتش أوصله ف وقته بوصل له بعدين

نورتي يا قمراية

........

شيماء

عليكم السلام ورحمة الله وبركاته
مقرتش للأسف البوست اللي بتتكلمي عنه بس لو حطيتي اللينك هروح أقراه

طبعاً اللي بيموت بيموت
بس الكلام ده أقدر أفهمه دلوقتي
بس وانا عندي 8 سنين أو عشر سنين كان صعب أوى

نورتي يا جميلة


........

هناء

نورتي يا افندم
طبعاً كانت كوابيس لأن طفولتنا كلها مليانة حاجات تجيب كوابيس فعلاً
بس لو فاكرة منها حاجة ياريت تشاركينا بيها
سواء في التعليق أو في تدوينة

متأكدة انها هتبقى حاجة ملهمة

زيارتك جميلة ياريت تتكرر

......

مينا

وحشتنا يا افندم
أنا متشكرة لأنك الوحيد اللي قررت تشاركنا بأحلامك وانت صغير

وطبيعى انك تصحى منها أحسن لأنك حققت انتصارك بشكل رمزى ودا معناه انك هتحققه في الواقع كمان

متأكدة انك بتنتصر وهتنتصر على حاجات كتير


كل سنة وانت بخير وصحة وسعادة
تسلم يا افندم

....

بحلم يقول...

مممم
أوحش حلم فاكراه ف طفولتتي واتكرر تلات اربع مرات، كان حلم عن مامتي الله يرحمها..كان فيه دوشة وزيطة وانا موجودة ف الحمام واقعة علي الارض وبعاني ، بتألم من حاجة مش عارفاها، وأمي بتدخل كل دقيقة تملا مية وتخرج وترجع تاني تملا مية وتخرج..باين كان فيه حريقة والا ايه..المهم ان ابشع حاجة كانت بتخلليني اقوم معيطة اني بنادي عليها وأنا بئن لكن هي بتبصلي وتخرج أكنها مش شايفاني..ففف
كان حلم مهبب
بس كنت باصحي منه معيطة والاقيها بتحضنني وتطبطب عليا
عشان كدة بحس ان الكابوس ف الطفولة مش كابوس، دايما بتتبعه لحظات دفا وحنية لكن انهاردة صعب جدا لو صحيت معيطة والا حتي مصوتة الاقي دة
-------------
حبقي احكيلك علي الحلم التاني بعدين