الثلاثاء، 31 مارس 2009

علي




لا أعرف لماذا أنا هنا
أشعر بافتقادٍ حادٍ لحريتي
لم أعد أستطيع القفز هنا كما أشاء
تحت مراقبة غريبة ولزجة

أشعر بأسلاكٍ تمنعني من الحركة والانطلاق

لماذا لا يؤثر بي الموت
يتركني فارغة وبيضاء بلا انفعالات
بينما يفزعني الاقتراب منه جداً
يكلفني ثلاث ساعات من البكاء المتواصل

ورغبة مرعبة في محاولة الإنقاذ
في نسج فرصة ولو صغيرة للحياة

على ...مات
وأنا مطمئنة عليه أكثر

بالرغم من أنني لا أعرفه إلا أنني أحببته
لا أعرف كيف نحب شخصاً لم نره من قبل
ولكنني أحببته

غريب جداً
كنتُ أفكر بالموت منذ استيقاظي
وظل الموت يطارد خيالي حتى نهاية اليوم
الموت قريب.... قريب

كلما اقترب الموت مني زادت رغبتي في خلق حياة
أرغب بطفلٍ صغير أسميه على
آه

ما الذي يحدث لي
ولماذا أحب ولداً لا أعرفه وأشعر بفقدٍ حادٍ له

يا على
لقد أحببتك


....

13 التعليقات:

مياسي يقول...

لأنه مات شابا
هذا هو السبب

أكتئب لذات الأسباب
رحمه الله

soly88 يقول...

رحمه الله
سؤالك :(لا أعرف كيف نحب شخصاً لم نره من قبل)
أضيف اليه وربما لن نراه ابدا
هل عندك اجابه ؟

خالتى بمبة يقول...

صدمة الموت نفسها بتهزنا لانها زى ماربنا سماها مصيبة الموت ربنا يرحمه

nudy يقول...

غادة انت احببته لانه انسان في محنة احسست بان لديك قدرة علي مسعادته ولو بالدعاء وربما لانك في وقت سابق لم تستطيعي صنع هذا لاناس تحبينهم
رحمه الله ورحمنا ايضا وساعدنا علي تحمل حياة قصيرة لكنها مليئة بالتفاصيل والاسئلة

nudy يقول...

علي فكرة يا غادة انا فهمت الكلام اللي اتكلمنا فيه المره اللي فاتت انت يا بنتي عندك حق دي جاجة سخيفة فعلا ومش مفهومة

علي الصبي يقول...

رحمه الله..و رحمنا نحن أيضاً من ألم الفقد

تأبط قهراً يقول...

لاحول ولا قوة الا بالله
الله يرحمه ويصبر اهله يارب
هو من وين يا غادة؟

انا لله وانا اليه راجعون

محمد سلامة يقول...

الموت أعظم و أقدس من أن نتفلسف به .
كلماتك الصادقة , البريئة من مساحيق الفلسفة , مستني جداً .
أه يا غادة, كم أخاف على نفسي من هدوئي في حضرته .

آية مش هنا يقول...

آه يا غادة ..

اولا اعرف تماما كيف يمكن أن نحب شخصا لم نره من قبل ...
مثلما أحبك أنا مثلا .. و أثق في شعور مماثل لديك ..
بل و أعرف كيف قد يكون أقوى من هذا و أعمق ..

أما الموت ..
فأجدني أمامه .. و أمام كلماتك عنه ..
speechless

:#

لمستني كلماتك .. جدا

ست الحسن يقول...

مياسي الجميلة

ربنا يرحم أمواتنا جميعاً
وسلامتك م الاكتئاب يا قمراية

........
سولي

الله يرحمه ويرحمنا جميعاً
وبصراحة أنا معنديش إجابة ومش فاهمة انا بيحصلي كدة إزاي
بس متأكدة انه كان شخص جميل وروحه الشفافة لمستني من غير ما اشوفه

أو ع الأقل هو دا اللي انا متصوراه

نورت يا افندم

.........

خالتي بمبه

فعلاً صدمة الموت بتبقى صعبة
الله يرحمه ويرحمنا

ونورتي يا افندم في أول زيارة ليكي هنا

........

نودي

آه والنبي ادعيله يا هند
وربنا يرحمه ويرحمنا

آه
ربنا يستر

.........

على الصبي

ربنا يرحمه ويرحم أمواتنا جميعاً
وألم الفقد دا بيعدي علينا كلنا
ربنا يستر

........

تأبط قهراً

الله يرحمه ويصبر أهله
على كان من أسوان... أجدع ناس وأحسن
ناس

ربنا يرحمه

......

محمد سلامة

تسلم يا افندم
ومتخفش على نفسك يا محمد
ربنا بيسترها دايماً

........

آية الجميلة

مش ممكن تعرفي تعليقك الدافي دا عمل فية إيه
لأنه حضني جااااامد

وانا كمان بحبك خالص
وربنا اللي يعلم

تسلمي يا قمراية

........

Heba Faruq يقول...

الموت قريب حقا..أقرب مما نتصور..
ما حدث لك حدث معي تماما
لقد كنت اشعر بالموت يحوم حولي
كنت اشتم رائحته وظننته قد أتى من أجلي لكنه أخطأني و اخذ أحبابي وليته ما فعل..
لقد أصابني خبر موت علي بالاكتئاب رغم اني لاأعرفه ورغم اني أيضا لا أعرفك وطبعا انت لا تعرفيني لكنني اتابع مدونتك واسجل اعجابي بها وكنت اتمنى ذلك في ظروف أفضل

رحم الله علي وألهم أحبابه الصبر

ست الحسن يقول...

هبة فاروق

معلش يا هبة
كل واحد بيروح في معاده
وسلامتك م الاكتئاب

وادعيله ربنا يرحمه ويرحمن
واتمنى تيجي تاني وتلاقي حاجات تعجبك
وتسبب لك السعادة

شكراً على اهتمامك وعلى دعمك الجميل

غير معرف يقول...

أنا أسفة ..
مش عارفة ليه حسيت بالذنب والضيق ده كله لما دخلت مدونتك واكتشفت اني اتأخرت 7 أيام عن اني أعرف اللي حصل ده ..
مش عارفة ليه حسيت اني عاوزة أقول : أنا أسفة
..
مش عارفة لعلي ولا ليكي ولا لمين ..
ولا حتى عن ايه ..
..
بس .. بجد .. أنا أسفة