السبت، 13 ديسمبر 2008

سحرٌ أبيض





امرأةٌ لا تعرفها
تشعر بدفئها أحياناً بين النوم واليقظة
تحوُّل كلماتك إلى مربعات سكر

امرأةٌ لا تعرفها
تغمض عينيها على بكائك الصامت
وتهبك أحلى حلم لديها

امرأةٌ لا تعرفها
لا تملك أن تحبك أو تنساك
النقطة الحمراء في منتصف كفها
تعكس عينيك حينما تفرغان من البكاء
كلما نظرت هناك تُرَّبت على كفها بحنان

امرأةٌ لا تعرفها
سترسلُ لكَ حبيبةً أخرى
كي تلتهم ما تبقى من وحدتك

سأختارها بحنان دافق هذه المرة
الجمال والأنوثة مروا بك ولم يسرقوا وجعك
الحنان قد يلوثُ عينيك بابتسامةٍ أعرفها

الحبيبة ستأتي

حينما تجلس وادعاً تتأمل الفراغ
ستسقط من السماء بمحاذاتك تماماً
لا تُضيعها هذه المرة

لأن امرأةً لا تعرفها
تنتظر
،




الصورة دي أنا اللي راسماها
.
.
.
.

10 التعليقات:

Soooo يقول...

الحبيبة ستأتي


حينما تجلس وادعاً تتأمل الفراغ
ستسقط من السماء بمحاذاتك تماماً
لا تُضيعها هذه المرة
-----------
حلوه قوي قوي قوي الجزئيه دي

وبجد حلوة الصورة اللي راسماها





سلامووووووووووووز

هدى يقول...

أولا :

حلو اني اشوف حاجة من رسمك

امبارح خطرلي اني اطلب منك اتفرج على شغلك .. مش عارفة ازاي ..بس انتي هتتصرفي صح؟؟؟

ثانيا:

المرأة التي ستسقط من السماء

المراة التي لا يعرفها

المرأة التي تنتظر على الضفة الأخرى من النهر

تلك المرأة ...

ستنال على قدر انتظارها ...قدرها

مرت بي لحظات فكرت كثيرا أن الانتظار ياخذ منا لا يعطينا .. لكنبعدها أيقنت أن الانتظار قربان لجوائز السماء ...

..

كل سنة وأنتي حلوة

fawest يقول...

امرأةٌ لا تعرفها
سترسلُ لكَ حبيبةً أخرى
كي تلتهم ما تبقى من وحدتك
ـــــــــــــــ
المقطع دا أنا مرريت بية

صدقى أو لا

غير معرف يقول...

أحلى دفئ للمرأة بين النوم واليقظة
حينماتغمض عينيهافهي تنتظرحلم الشفاة
البكاءلفراق الحزين وبكاءلإستقبال جنين
فالأدعهاتربت على شعري بمافيهامن حنان
وبغربتي ترسل طيفهاعبرالأثيرلتضمني بحنين
جمالها في أنوثتهاالنافرةونضارتهاالآسرة
إن ضيعتهاهذةالمرةفأستحق الحياة المرة
يضيق حلقي بمرارةالفراق ويقشعر بدني في الضياع
إنتظري أو،لا،يكفيي منك الوجودبالحياة

زياد إسماعيل

حقيقي يا غادة جميل أوي اللي بتكتبية
كفاية إنك بتسخنيني وتخلي القلب يقول قبل العقل

الوردة البيضا يقول...

السلام عليكم
ازيك يا غادة وكل سنة وانت طيبة
الموضوع جميل والرسم كمان جميل
تسلم ايدك

msafa يقول...

الحبيبة ستأتي


حينما تجلس وادعاً تتأمل الفراغ
ستسقط من السماء بمحاذاتك تماماً
لا تُضيعها هذه المرة


لأن امرأةً لا تعرفها
تنتظر
،

ده مقطع ممكن يخلينى اتجنن من االروعه اللى فيه
هى فين دى يا غاده اللى عمرها مانتظرت
رائع والله

إبـراهيم ... يقول...

الصورة حلوة قوي، ومُعبِّرة ...

وتقريبًا كنت عاوز أحطها عند نص عندي كتبته اسمه (تشويه) ....

أعتقد كانت هتعمل جـدل أكتر مع النص

إيه رأيك؟؟؟

******************

سحر أبيض بـقى:
هوا يبان من الدخلة اللي أنا داخل بيها (مش البدلة اللي داخل بيها) إن النص مش عاجبني قوي ،،، ممممممممممممم، وده حقيقي ....
مادام باين :)
.
.
وهبقى أرجع بعـدين

LAMIA MAHMOUD يقول...

اولا انا كنت نفسي اوي اشوف حاجة انتي راسماها .. في البداية عجبني الملامح المختفة بوضوح
واضحة رغم اختفائها
بعد كده لما قريت انتي عارفة رأيي في الكتابة .. بس اتساق الصورة مع الكتابة بجد وااااااو
في النهاية لما عرفت ان اللوحة ليكي بجد معرفتش امسك نفسي اني اصقفلك فعلا
هااااايلة يا غادة
__________

سأختارها بحنان دافق هذه المرة
الجمال والأنوثة مروا بك ولم يسرقوا وجعك
الحنان قد يلوثُ عينيك بابتسامةٍ أعرفها

_____________
اعتقد ان في هذا السطر قدرة فظيعة لا أمتلكها ولا يمتكلها غير المرأة بالنص

ست الحسن يقول...

soooooooo

أول مرة تشرف المدونة وبصراحة مندهشة من الموضوع ده
أنا بادخل عندك كتير ومتابعاك بس مش هتلاقيني بعلق لأني بادخل أعلق ألاقي الناس قالوا كل اللي عايزة أقوله

كمان مدونة السينما دي بجد ممتعة
تحليلك للأفلام بسيط وقوي

ف طبعاً مبسوطة انك عديت هنا
ومبسوطة ان الصورة عجبتك يا افندم

لما تيجي تاني
إن شاء الله هتلاقي حاجات تعجبك

سلام مؤقت يا افندم

..........

هدي

حضرتك تأمري
قولي بس عايزة أشوف الرسومات هتلاقيهم عندك .. ولا أقولك فكري في الرسومات هييجوا لوحدهم

مش عارفة يا هدى
بطلت أستنى حاجات كتير

كل سنة وانتي أحلى

.......

طه

صدقت يا افندم وعرفت ان فيه حد جرب الوصفة السحرية دي قبل كده وجابت نتيجة

طمنتني والله

تفتكر السحر ده ممكن يعمل مفعول

.........

بشمهندس زياااد

نورت جداً ... مش ممكن تعرف أنا انبسطت أد ايه بتعليق حضرتك
وبالكتابة الجميلة بتاعتك

تشجيعك ليَّ مهم أوي
لأني بعتبرك في منزلة والدي
ودي والله أعلى منزلة عندي

أنا متشكرة جداً
وان شاء الله لما تيجي تاني تلاقي حاجات تعجبك

..........

الوردة البيضا

ازيك انتي يا جميلة
تسلمي ومبسوطة ان البورترية عجبك

كل سنة وانت بخير وصحة وسعادة

..........

مسافة

متشكرة جداً ع المرور الجميل
ومبسوطة ان المقطع عجبك

ومحدش عارف هي فين
ولا هي مين
كلنا بنلف في دواير فاضية

نورت يا افندم

..........

إبراهيم بعد طول غياب

أهلاً وسهلاً
طب الصورة عاجباك اتفضلها... لو كانت لسة عندي كنت اديتهالك
بس الصورة دي تحديداً اتباعت

بس سيبك مبسوطة انها عجبتك وتقدر تاخدها في موضوعك بس اكتب اسم اللي راسماها

الحاجة الأهم
بجد فرحانة انك قلتلي ان المقطوعة دي مش عاجباك ...أنا بموووت في الصراحة وانت عارف

متهيأ لي انها معجبتكش علشان مش مستوية كويس أقصد من الكيبورد للناس على طول... واحتمال تبقى محتاجة وقت أطول من كده

مبسوطة انك نبهتني
وفرحااااانة انك اعترفت انها مش عاجباك
عرفت ليه بقى رأيك مهم جداً

......

لمياا
مبسوطة دايماً بوجودك
وفرحانة ان البورترية عجبك
وموضوع تشوفي شغلي ده ...مش محتاجة غير بس تقولي

مش عارفة أقولك ايه
ساعات بيبقى عندنا قدرات معندناش فكرة أصلاً انها عندنا

نورتي يا افندم

...

غير معرف يقول...

طيب اخيرا هكتبلك تعليق انتى عرفة (أو لأ) انى بقرا المدونة بتاعتك دى تقريبا كل يوم ودايما بحس حاجات كتير لكن مش بعلق... فعلا مش بقدر اقول ولا كلمة
المرة دى هعلق مش لمجرد انى حاسة قوى قوى قوى (لكن يمكن كمان لأنك وحشانى قوى ومش عارفة اكلمك)
بصى ياستى عاجبنى قوى ومطمنى الأمل الى فى القصيدة رغم الوجع
امرأةٌ لا تعرفها
تغمض عينيها على بكائك الصامت
هذه المراءة معذبة اكثر من ذلك الباكى فهى امراءةلاتملك ان تحبك او تنساك
يا الله يا الله ماهذا الضياع فإما تحب او تنسى بكل بساطة ولكنها بسيطة اكثرمن اللازم لتصبح انسانية هذه المراءة الممزقة تعرف النهاية جيدا حيث تسقط الحبيبة بجوار رجلها بهدوء وبمحازاته تماما فقط حينمايجلس وادعا يتأمل الفراغ (ترى اهوالفراغ الذى خلفته هى فى حياته)أبهذا الفراغ سترسل له حبيبة أخرى ترى وماذا سيكون مصيرها هى بعد كل هذا
ماذا تريد اذا كانت تعرف كل هذا تراه الآن امامها ولكن تذكر انها لاتملك ان تنساك لاتملك ان تنساك
1. اما عن الصورة فأنا حقا لااستطيع الكلام الآن.