الاثنين، 4 يناير 2010

زبادي بالتوت

.

.





كلُّ الأشياء التي أرغب في كتابتها غيرُ قابلةٍ للنشر
حتى حصاد السنة الماضية اكتشفت أنه مُعقدٌ للغاية
ولا أرغب بفض اشتباكه على الملأ
كشكول السنة الماضية ممتلىءٌ بالخطابات التي لا تصلُ لأصحابها
وكشكول السنة الجديدة لم يصل بعد

بابا نويل أحضر لي رجل الثلج وكرنبة معاً
الصواريخ أتت إلىَّ أيضاً ....
بالونات العيد الماضي لا تزال في حقيبتي

لا أجيد التعبير عن امتناني
العام الذي مرَّ كان مدهشاً وصاخباً ومؤلماً
ولأن زجاجة الوجع كُسرت قريباً

فلا يزال طعم الألم حاضراً

أرغب في الكتابة عن الـــ.........
لا أعرف
أكتشف أن لدىَّ نصوصاً كثيرة لم أنشرها تنتمي للسنة التي مرت
لا أعرف ماذا سأفعل بها

يناير عادةً ما يحمل كآبة البدايات
توقفت عن قراءة الأبراج
لأنهم يتفقون على أنني عنيدة جداً وغير عملية على الإطلاق

ست الحسن لا زالت تنتظر الإجابات
وأمنا الغولة تسخر منها
لأنها ستجد الإجابات التي تنتظرها قريباً
ولكنها لن تفرح بها كما تتصور

كارمن تطالب بإقالة ست الحسن من المدونة
وبتعيينها رئيسة جديدة للمكان
تقول أن ألوان النصوص هنا أصبحت قاتمة
وهي ترغب بقليلٍ من الإثارة
أمنا الغولة متحفزة جداً لكارمن
مع ذلك ترغب ببعض التغيير

في أحد كويزات الفيس بوك يقولون لي أن حياتي تشبه فيلم نوت بوك
لم أكن أعرفه ساعتها ...
شاهدته ليلة رأس السنة
البطلة غريبة جداً ولا تفعل ما تود أن تفعله أبداً ...
ترغب بأن تصير طائراً في حياتها القادمة
لا تثق بالرجال تماماً ....
فقط إلى هنا بإمكاننا أن نتفق ولكننا لا نتفق على البطل
إذ لا يوجد هناك بطل

أنظر في المرآة وأصرخ

لماذا تترك هذا الجمال ينسكب هكذا
دون أن تتلقفه بشفتيك

أحتفل بآخر أيام السنة
أتمشى على كوبري قصر النيل الممتلىء بالوحيدين
أتناول الآيس كريم بنكهة الرغبة المعتقة ( زبادي بالتوت )
وأمشى بعكس اتجاه القمر




.....

10 التعليقات:

Lobna Ahmed Nour يقول...

أكرمي أشياءك غير المنشورة فهي الافضل والاصدق غالبا .. واستمري في السير عكس اتجاه القمر لتكون احتمالات اصطدامك به اكبر

قد أبدو كمتطفلة اذ اقرأ هذه التدوينة .. معذرة .. بصورة ما اجد بين طياتها أشياء كالتي تخصني

اخيرا .. هو ايس كريم ولا زبادي ولا توت ؟!!

حسنا لا تلقي بالا لسؤالي الأحمق .. دمتِ بخير

حلم بيعافر يقول...

واحنا متحفزين لنصوص غادة خليفة فى السنة الجديدة
كل سنة وانت طيبة

nudy يقول...

لا اجيد التعبير عن امتناني

هذا غير صحيح انت فقط تعبرين بطريقة تختلف عن الاخرين فلكل منا طريقته

انظر في المرلآة واصرخ
لماذا تترك هذا الجمال ينسكب هكذا
دون ان تتلقفه بشفتيك

اد ايه جمله قويه جدا وموجعة
بس اقولك ايه هو لو كان يصح....

يناير عادة ما يحمل كآبة البدايات

ولكني اثق هذا العام ان البدايات مختلفة كثيرا وافضل عما مضي بخطوات واسعة

وأحب اقول ل unique انه ايس كريم بنكهة الزبادي والتوت ساحر الطعم ورائع اللون ايضا

غادة البوست جميل جدا اتمني ان يحمل لك العام الجديد كل السعادة

عالمى ازرق يقول...

ومن يعرف
ربما اهداكِ هذا العام ما تمنيتة دوما

احلام جوليا يقول...

كل سنة وانت طيبة اتمنى لك سنة جديدة سعيدة تجدين فيها بطلك وتسعدين معه

rania masoud يقول...

فكرتيني براس السنة سنة 2004 كأنها كانت إمبارح. طلعت من الشغل و رحت آكل بيتزا عشان أعمل حاجة جديدة و خلاص و بما إني مبعملش جديد فالواحد يملا بطنه أحسن. طلعت أدور على مكان و كانت الصالة كلها زحمة ما عدا مكان كان في الركن متفصل عليّ. العيب الوحيد اللي كان فيه كان إنه لست أفراد. البيتزا جت بسرعة على غير المعتاد رغم مناداتي الجرسون قبلها لتأخيره. و السبب كان إنه بيزحلقني عشان جم اتنين و كانوا بيسألوني لو كنت منتظرة حد يجيني؟ و كل المحيطين من جارسونات سألوني نفس السؤال مما أدى لاستغرابي. الدهشة أزالاها حينما اقتربا هما الآخران ليسألا.
كانا محبان يبحثان عن مكان يضمهما وسط الزحام.
أكلت بسرعة رغم عدم استمتاعي.
بس استمتعت أكتر لما سيبتهم يتهنوا.
و حقيقي واحد لوحده ميساويش.
بس اتنين على الأقل بتعيش.
كل سنة و أنتِ طيبة و يا رب تلحقي تكملي أعمالك الشعرية البسيطة التلقائية اللي بتمتعينا بيها

Marwa abu daif يقول...

ولأن زجاجة الوجع كُسرت قريباً
فلا يزال طعم الألم حاضراً


و يناير الذي ياتي ببداية الكابة :)

ايه يا غادة الجمال ده

Unknown يقول...

:)
أحياناً كثيرة تكون الوحدة أفضل ..
!!
فقط لا تعيشي دورة انتظار الشريك ..
فقط استمتعي بمالديك حتى الثمالة ..
استمتعي درجة الجنون ..
استمتعي بكل ماتملكين ..
لان الوقت الذي نقضيه منتظرين لا نستمتع به ..
و ستجري الحياة بما تحبين .. فقط لا تكوني من هؤلاء .. :)
تحية خالصة.

ست الحسن يقول...

uniqe

مش ممكن تعرفي تعليقك أد إيه كان ملهم بالنسبالي
النص الجديد من الحاجات غير المنشورة
يارب يعجبك
وموضوع الاصطدام بالقمر ده فاجئني
إيه الجملة العميقة دي

تعليقك بالنسبالي علامة قوية على الدفا

مبسوطة انك لقيتي هنا حاجات تخصك
وانتي مرحب بيكي دايماً هنا

ويا ستي دا أحد أنواع الآيس كريم
مش فيه آيس كريم شيكولاتة ...وفيه آيس كريم مانجة
كمان فيه آيس كريم زبادي بالتوت

عايزاكي تيجي تاني وتالت ورابع
ودايماً

وجودك فرَّحنى أوييييي


....

حلم بيعافر

كل سنة وانت بخير وصحة وسعادة
وربنا يستر
ان شاء الله هتلاقي حاجات تعجبك

نورت يا افندم

......

نودي

هو لو كان يصح....
ماشي يا ستي
يارب سنة جديدة وجميلة وطيبة لينا كلنا

وانتي كمان ربنا يسعدك ويفرحك
قريب ان شاء الله

......

صاحبة العالم الأزرق

عندك حق دا حتى عدد مجموعه 3
وعند الرقم تلاتة دايماً الحاجات بتتغير

انتي كمان ربنا يسعدك
وتحققي كل اللي بتتمنيه

....

جوليا الجميلة

سنة سعيدة وجميلة علينا كلنا
وانتي كمان ربنا يحققلك كل اللي بتتمنيه وأكتر

بحب وجودك هنا على فكرة

.....

رانيا

حلو الموقف ده بس يوجع شوية
وعموماً احنا موجودين كلنا مع بعض
والدفا هييجي ف معاده

كل سنة وانتي بخير وسعادة

.....

مروة جميلة الجميلات

فرحانة خالص بوجودك يا افندم
وانبسطت من تعليقك هنا وهناك في ماسنجر


نورتي خالص
بس ابقى تعالي تاني
وإلا هضطر أنشر الحاجات ع الفيسبوك

.......

شيماء

كل سنة وانتي طيبة

تعرفي
هقولك على سر

ساعات بتلاقي نفسك مش مستنية حاجة ومش غضبانة م الدنيا وراضية جداً
وساعات بتصحي م النوم معيطة وبتصرخي وحاسة انك مسئولة عن تعاستك ومش عارفة تعملي إيه
احنا بنعيش كل حاجة ... الوجع والفرح والغضب والرضا والطيران والجمال والضياع
بنعيشهم ساعات مع بعض وساعات ورا بعض

بس غالباً بنعيش الحاجات الجميلة أكتر ما بنكتبها
وبنكتب الحاجات الصعبة علشان نبقى على مسافة منها أو علشان نخرجها برة أو علىشان محتاجين نكتبها

المهم بقى
اننا ف كل الأحوال بنعيش

مبسوطة إنك خايفة علية
وصدقيني أنا بحاول مااستناش حاجات كتير

ومصدقة ان بكرة أحلى
لينا كلنا

نورتي يا ست البنات

....

Mohammed Saad يقول...

اكتر حاجة عجبتني تكوينة النص العجيبه دي