الثلاثاء، 20 نوفمبر، 2012

إلى رغدة منير





أنا ممتنة ليكي أوي إنك بتفتحي الصفحة دي 
وتقري المكتوب فيها
وانك شايفة إنه فيه نوع من الإلهام بيحصلك هنا
أنا مبسووووووطة وحاسة إنه فيه معنى لشوية الكلام المكتوبين هنا دول
عايزة أقولك إنه إنتي كمان ملهمة ليَّ
علشان كدة قررت أبعتلك جواب


أنا تعبانة أوي يا رغدة ومش عارفة أتصرف
محبوسة في مكان مش عارفة أتحرك منه خالص ومش شايفاه
فاكرة على الحجار لما كان بيقول: "العتمة ع القلب كاتمة وأنا ماشي عارف طريقي"
الفرق بس إني مش عارفة طريقي بس ماشية
أنا بعرف أوصف شوية حاجات من اللي بعيشهم
بس مش بعرف أنور لنفسي للأسف
بحاول والله
بس الدنيا ضلمة


وجودك هنا ومتابعتك للمدونة من الحاجات اللي بتخليني أصحى من النوم أصلاً
علشان فيه حد مستني مني حاجة أنا بعرف أعملها
زي ما انتي شايفة أنا بكتب
وبس
عندي أمل إنه الكتابة دي تبقى المعلقة اللي باحفر بيها نفق للنور
طب لو النور أصلاً مش موجود والعتمة قدر البني آدم
هاعمل إيه
مش عارفة
أنا مش عارفة .... بس انتي أحسن مني
أرجوكي اسمحي لنورك إنه يلمس الناس حتى لو مش شايفاه


أنا مش عارفة أنا أصلاً بكتب الكلام دا ليه
الجواب دا تصنيفه جواب شكر مش جواب شكوى
بس مش مهم التصنيف خالص
المهم إنه جواب من القلب


أنا بفرح لما ألاقي ناس بتمر من هنا وتمشي وهي ناوية تيجي تاني
بس كدة
.
.

شكراً يا رغدة




.......
غادة خليفة




....



by: Andrew Chase

..




4 التعليقات:

Raghda Monir يقول...

ارجوكى متبطليش تحلمى ومتبطليش أمل
ومتخبيش ضحكتك ومتداريش دمعتك
كل دى حاجات بتخرج أروع مايمكن من جواكى
كونى سعيدة..ليبتسم العالم..لتحب الحياة نفسها :))))))

ست الحسن يقول...

تسلمي يا رغدة ويسلم قلبك
:)

Timo.. يقول...

الى رغدة منير..
"يا بختك بالبوست ده"
بس خلاص
:)

غير معرف يقول...

تخدى العقل يارغده ربنا يسعدك وينولك اللى فى بالك نفسي اغنيلك اغانى حليم