الثلاثاء، 4 أكتوبر 2011

من غير ليه

.

.
لما نزلت أغنية من غير ليه في التسعينات
كنت بسمعها وبقف كتير قدام جملة
"خايف طيور الحب تهجر عشها وترحل بعيد
خايف على بحر الدفا ليلة شتا يصبح جليد"

وعمري ما تصورت إني بعد سنيين كتير
هتساءل عن ماهية بحر الدفا دا
وأفكر إن كان له وجود ولا اشتغالة قديمة
زي حاجات كتير
المشكلة في اشتغالة الحب ذات نفسها إنه التحرر منها مأساة
لا تقل مأساوية عن انتظار تافه وفارغ
لحاجات عمرها ما بتحقق زي ما احنا عايزيها أبداً



....

8 التعليقات:

P A S H A يقول...

وأنا باقرأ "وعمري ما تصورت إني بعد سنيين كتير" افتكرتها بقية الأغنية :)

أصعب الأسئلة تلك التي تكون أجوبتها واضحة.
هناك مأساتان في الحياة: الأولى ألا تحصل على منى قلبك. والثانية أن تحصل عليه. شو

- ومين قاللك إن الحياة كلها كده على بعضها مش إشتغاله ؟؟

حلوة الأغنية على فكرة :)

Unknown يقول...

"المشكلة في اشتغالة الحب ذات نفسها إنه التحرر منها مأساة
لا تقل مأساوية عن انتظار تافه وفارغ"

رائعة! لخصتي مأساة ناس كتير بهالجمله!
أنا دايما هون حتى لو ما علقت :)

نهر الحب يقول...

غادة
مش يمكن طول ما احنا مستنينها وبنفكر فيها وراسمين ليها حلوة هو ده اللي يخلينا نبقي احسن...ويمكن نفضل اننا منلاقيهوش عشان تفضل صورته حلوة في عيننا ما تتعكرش

:)
انتي فاهمة الحكاية اوي علي فكرة

مؤنس فرحان يقول...

الغنوة حلوة أوى .. بس بطلت أسمعها عشان بتوجع

مؤنس فرحان يقول...

كان فيه مقطع بحبه أوى

موش معقول يا حبيبى أبدا أبدا موش معقول .. القدر إللى هدانى لحبك يوم من الأيام يبقى عزول
موش معقول حبنا يا حياتى يقدر يقسا و ينسى أحبابه
بعد ماكنا فى حضنه ليلاتى .. نرجع تانى نقف على بابه

مؤنس فرحان يقول...
أزال المؤلف هذا التعليق.
bosy يقول...

انا بحييكي علي الاغنيه الرائعه دي وعلي اختيارك للمقطع ده التدوينه بجد مؤثره اووووووي وجميله ربنا يوفقك

ست الحسن يقول...

باشا

فعلاً الحياة كلها اشتغالة
واشتغالة سخيفة كمان

شكراً على مرورك

.....

مياسي
وحشتينييييييي
ومبسوطة إنك لسة بتدخلي هنا

....

نهر الحب
ولا فاهمة ولا حاجة
أنا تايهة زي ما انتي شايفة كدة
ما علينا

نورتي يا جميلة

.......

مؤنس
أنا كمان بحب المقطع اللي انت كاتبه ده
أوي
:)))))

....

بوسي
شكراً ليكي

...