الأربعاء، 21 يناير 2009

حدث في (الديوان)





المرأة التي تجلس بمواجهتي مغطاة بطبقةٍ كثيفةٍ من المكياج والتعاسة ...
تتظاهر بالانغماس في القراءة وتخفي وحدةً تتخلل ملامحها
وتغزو عظامها وتحرِّكُ أحلامها كل يوم.

أتصفحُ الروايات الجديدة ،
البطلةُ ذات الأقدام الصغيرة تدخن في المقهى ...
البطلة في شقتها تستقبل البطل وتستعد لإغوائه
البطلة تقتل البطل وتتزوج من أخيه ... البطلة تعتزل الرقص وتسعى لحياةٍ شريفة
البطلة تُخفي ميولها المغايرة وتتظاهر بالمتعة مع الرجال
البطلة ... البطلة ...

الحنق يتملكني
لا أصلح للبطولة ولا أجد نفسي بطلةً لأيَّة حدوتة
قدماي كبيرتان ولا أجيدُ إغواء الرجال
لا أمتلك شقةً خاصة ولا أرقص عاريةً لأحد


لماذا لا أصلح ُ للبطولة ؟
من سيكتب عن بطلةٍ نصف حياتها منسوجٌ من خيال
والنصف الآخر ضائعٌ في النوم الطويل
لن يرغب أيُّ بطلٍ في البقاء معي لأكثر من الفصل الأول ...
فقط للفضول
بعدما يعرف حكايتي سيشفق علىَّ قليلاً
سيحاول الاقتراب ... سـ .....
لن ينجح أبداً ...
.
المخرج يصرخ ... استووووب
وأفرُّ هاربةً من الكادر


............
أنا اللي راسمة الصورة دي
..
.




12 التعليقات:

اسماء عوني يقول...

حلوه الصوره
وحلو البوست
بس انتي ليه حزينه كده الحياه حلوه بارضه

nudy يقول...

صديقتي ليست هناك في الحياة بطولة مطلقة وهذه البطلة فقط تخص احد الناس ولكن هناك اشخاص اخرين في الحياة لهم بطلات باقدام كبيرة ولا يجيدون الرقص
اعلم ان كل كلامي لن يجدي فانت مكتئبة بشدة ولكن لابد ان يعود لك الايمان بان هناك بطل قادم يبحث عنك وعنك انت فقظ فالقصص لا تنتهي ابدا والابطال الحقيقيون افضل من ابطال الحواديت لانهم حقيقيون
فقط علينا الا نفقد الايمان بوجودهم و بأنهم سيأنون يوما قريبا

Che يقول...

الابطال بتوع الروايات مجرد تعبير عن اللى كاتب كان نفسه يعمله و ماعملوش .. مفيش ابطال فى الدنيا دى و كلنا مجرد كومبارس بالنسبه للاخرين و ابطال بالنسبه لنفسنا

pink paradise يقول...

3 مشاهد مدهشة متواصلة و منفصلة
قدرتى ترسمى الجو اوى و انتى بتقراى عن البطلات
و المونولوج الداخلى وانتى بتتكلمى عن نفسك
و المشهد التالت مشهد المخرج
فكرة البطولة دى فكرة قديمة اوى
لان يحيى الفخرانى غير شكل البطل
حتى انا كمان غير شكل البطل
لانى بقيت صاحب جاذبية مش عارف على ايه
شرفينى وشوفى التدوينة الجديدة
بس قولى لى صحيح
ايه حكاية الرقص معاكى؟!!!!!!!!!!

ست الحسن يقول...

أسماء

أهلاً بيكي ف أول زيارة للمدونة
والبوست اللي جي كوميدي شوية
بس يناير كان شادد معايا حبة

نورتي يا افندم

........

نودي الجميلة

بصي أنا كنت مكتئبة حبة صغيرين
بس دلوقتي كويسة
وبعدين مين عارف... ييجوا بقى ميجوش
كلها محصلة بعضها
بس ولا يهمني

أنا يا بنتي عندي اصحاب جامدين
ربنا يسعدك يا نودي

..........

تشى

برده هيقولي كومبارس
ماشي ... ماشي
ما انا عارفة اني كومبارس
ورافضة الوضع ده وناقمة عليه كمان
مفيهاش حاجة يعني أبقى بطلة شوية وبعدين أرجع كومبارس صامت تاني

بس تصدق جملة مظبوطة أوي
زي فنجان القهوة اللي يعمر الدماغ

نورت يا افندم

.........

حسام

انبسطت جداً من تحليلك لمشاهد التدوينة
وفرق معايا أوي اهتمامك بالكتابة
وفعلاً البطل أو البطلة دلوقتي ملهمش شكل محدد
بس انت نجم من زمان يا معلم

نورت المكان بجد
وتشجيعك بيفرق معايا خااااالص

نورت يا حسام

طه عبد المنعم يقول...

ماشى يا جميل
:)

محمد زوام يقول...

غدود
بجد انتى عارفه انا بموت فى ل حاجة بتعمليها .. وبجد انتى ممتلكة كل ادوات امهر نحات .. انا كنت معاكى امام مرآة المرأة وهى تضع المكسياج
وكنت احس معها بالوحدة الموحشة
ولكن انتى فعلا تصلحى لكل ادوار البطولة..
غدود انتى فعلا ستكونى يوما ما بطلة كل الرواياتوذلك بعد ما تصنعى لى اجمل بلوفر ممكن ان تراه عيون البشر


محمد زوام

ست الحسن يقول...

طه

هو ايه اللي ماشي
البوست شغال يعني
واالا انت ماشي هتجيب حاجة وتيجي
ولا ايه

........

زوام

أول تعليق هنا يا افندم
مبسوطة ان الشخصية عجبتك وانت الوحيد اللي علَّقت ع الست دي
أو عالجزء ده من التدوينة

بعد كدة ابتديت تعاكس بقى وتعملي حوارات في المدونة
وبعدين المعجب الوهمي اللي بيقرا الكلام ده وعمره ما علق هنا ممكن يتضايق

وبعدين يا محمد

رانيا منصور يقول...

والله يا غادة انتي مجرمة !

في طلوع جامد ف أسلوبك!
مش هاعلق كتير
بس نص عجبني "بجد"

وانتي وحشاني كتير


مبروك الكتاب يا صاحبتي :)

Ahmed يقول...

أنا قابلت السيدة ذات المكياج من قبل ..
ولا أعتقد إنك لست بطلة ..

كل إنسان هو بطل حياته، كل إنسان هو الـ Truman Show بتاع نفسه ..
شفتي الفيلم ده ؟! لازم تشوفيه !!

كل واحد قادر إنه يحقق اللي هو عاوزه ويفهم الصح من الغلط .. كل واحد مدرك كل حاجة بس هو أو هي خايفين يعملوها ..

علشان المسلسل بتاعك ينجح ويستمر ويتعمل منه جزء ثاني وثالث لازم تقاومي وتقاتلي وتخلي حياتك مليانة حاجات ملفتة للنظر .. :)

ست الحسن يقول...

رانيااا

مجرمة دي طالعة منك زي السكر وبصراحة بحبها
مبسوطة ان التدوينة عجبتك
والله يبارك فيكي بس يارب يعجبك

انتي واحشاني موووووت

.....

أحمد

Truman Show فيلم عميق وشفته
وطبعاً كلنا أبطال في عيون أنفسنا

بس ساعات الواحد بيحس انه بيمشي في سكك كتير وبعدين يكتشف انه لسة جوة دايرة صغننة ومحدودة

شوف عندك حق اني لازم أقاوم وأقاتل بالرغم من أني مبعملش حاجة غير كدة من زمن طويل
بس حكاية حاجات ملفتة للنظر دي
مااظنش انها تناسبني

أنا دايماً بادور ع الحاجات اللي تشبهني وتخصني ويارب أقدر أطلع البطلة اللي انا عايزاها من جوايا

نورت يا افندم

غير معرف يقول...

"بطلات باطلات"اريدك فقط ان تعرفى اننا حميعا بطلات باطلات فى شرع البطولة فنحن لانذوب فى وحود الحبيب "البطل "بل نتجمد ولا نذوب إلافى الغياب غيابهم وغيابنا عن تسلطنا على مشاعرنا فقط فى الغياب فقط فى الحزن نستطيع ان نتحررونصبح أكثر حزنا على الإطلاق ولكننا كذلك فى الغياب لن نموت من الألم أومن الوحدة بل سنظل نحيا لأن البطلات وحدهن يستطعن الفرار للموت