الاثنين، 8 ديسمبر 2008

عيد وبلالين وكل سنة وكلنا طيبين








أنا بس محتاجة أتكلم عن التأثير اللي سبتوه فيَّ المرة اللي فاتت
حسيت ان كل الناس اللي دخلوا يعلقوا عندي
متفقين كلهم انهم يحضونني جاااااامد
بجد كنت فرحانة أوي

من فترة كنت بتكلم مع حد عن التدوين
واندهش لما قلتله إن أكتر حاجة ممتعة في الموضوع ده
هو تعليق الناس واستقبالهم للي انت بتكتبه
لأني بحب الناس اللي بيعلقوا عندي وبحس إنهم كلهم بيتكلموا من قلبهم
يعني بحسهم بجد

زمان كنت بتضايق ان التعليقات قليلة بس دلوقتي لأ
بدأت أفهم اني محتاجة نوعية خاصة تقرا اللي بكتبه وتعلق عليه
محتاجة ناس قادرين يفتحوا شباك صغير على قلوبهم
ومستغنية ومكتفية بيهم جداً

هدي مثلاً
بحس انها بتتلمس فعلاً لما حاجة بتعجبها
وهي على فكرة مش بتعلق إلا لما حاجة تعجبها
مش عارفة بحس خلاص اننا بقينا إخوات
بطريقة أنا نفسي مش فاهماها أوي

مينا بقى
بيوجع قلبي لأني بحس انه بيطبطب علىَّ جامد وانه مشترك معايا في حاجات كتير
انا قربت أصدق خلاص اننا صحاب بجد من كتر ما بحسه بيكتب من قلبه

بيسو
مش عارفة ليه حاسة انها بتبقى براحتها خالص هنا
وبتقرا وبتعلق بحب شديد

وناس كتيير تاني
تقريباً كل الناس اللي بتعلق والناس اللي بتقرا من غير ما تعلق
وتيجي وتحكي معايا عن اللي قروه ويقولوا ايه اللي عجبهم وايه اللي معجبهمش
أنا بقيت بحس اني عندي عيلة سرية ع النت
ومكنتش عارفة ان الأمر ممكن يبقى جمييييل أوي كده

يا جماعة
أنا متشكرة ليكم كلكم



...........

7 التعليقات:

basma saghir يقول...

عاجزة عن التعبير والله يافندم :):)

بس بقى لحسن انا اليومين دول بتلكك عشان اعيط على اي حاجة..واي كلمة عاطفية شوية بتخليني انفجر..فا اتقي شري احسن :)

لأ بجد..انا بحب هنا قوي..في اماكن كدة تحسي فيها بالراحة وانتي م عارفة ايه السبب بالضبط...بس في الحقيقة السبب ان اللي بيكتب في المكان ده عايش حتة من حياتك او جزء من وجعك فا لما بيكتب بحس انه فاهمني..دخل ودور جوايا ولقى حاجة وكتب عنها..يعني انتي عمليا بتكتبي عني مش عنك...شفتي بقى ازاي

كل سنة وانتي طيبةياغادة..والسنة الجاية تبقى مليانة اكتر باللون البمبي :)

Unknown يقول...

و أنا كمان بحكيلك شكرا

لأنو هون بلاقي اشي حلو بخليني أحس ببساطة وعمق في نفس الوقت

كل سنه و انتي سالمه:)

nudy يقول...

كل الكلام الحلو انت تستحقيه يا دودو لانك فعلا بتكتبي بصدف ولانك فعلا بتعرفي تدخلي جوا الناس وتقريهم وتكتبي عنك وعنهم في ذات الوفت وعلشان كده انت قريبه قوي شكرا وكل عيد وانت محققة كل امنياتك

Blank-Socrate يقول...

كل سنه و انت طيبه
يا طيبه
:)
و ايه لازمةالشحتفه انا حساس و مش بستحمل الكلام الكبير دا
يعنى اليوم كان ماشى كويس
كدا اخر اليوم تخلينى اعيط
:)
عارفه ممكن انا وانت نكون فى مكان شغل واحد او عمارة واحدة و نكون اصحاب جدا فى التدوين لكن فى العالم المادى منقدرش نثق او نعرف بعض بالشكل اللى فى الافتراضى
فى مليون حاجز افتراضى بيمنع الناس انها تكون قريبه من بعض
كلمه السر لو قابلتك فى العالم المادى
الكتكوت المتشحتف
:)

LAMIA MAHMOUD يقول...

ماشي ماشي
اسمي مش موجود
:))
عموما المهم اني مبسوطة

ست الحسن يقول...

بيسو

ربنا يفرحك أكتر ويملا حياتك بكل الألوان

......

مياسي

بساطة وعمق
ياريت يا مياسي تكون الكتابات بتاعتي كده

نورتيني وفرحتيني

.......

نودي

ربنا يخليكي ويسعدك

.......

مينا

تعليقك خلاني كتبت عن موضوع الناس إزاي تقرب من بعض بس يمكن أنشره المرة الجاية...

نورت وبتنور على طول

....

لمياا

اسمك مكتوب حتى ولو منكتبش يا افندم
ربنا يسعدك على طول

.....

إبـراهيم ... يقول...

ماااشي يا ست غادة ....

كل سنة وإنتي أطيب .... وصوتـك ينوَّر الدنيـــا ...


مممممممم ، وكتابتك كمــان ،، وكتابك وما إلى ذلك :)

************
فكرة عائلة الانترنت دي، أو الأصحاب الافتراضيين فعلاً بقت حـل حلو قوي لكثير من مشاكل العلاقات المعاصرة !!


ربنا يديمها حاجة حلوة