الاثنين، 15 سبتمبر، 2008

إلى امرأةٍ شابة





لن تكونَ نظرةٌ متوقِّدةٌ خادعةٌ بعدُ أبداً
اقبضي على قلبِ الرجُل بأصابعكِ الطُفولية غيرَ المُدرَّبةِ
ادفعي نارَ الرجُل المتوهجة إلى أغوارِ عينيكِ الثلجية !
أنتِ واثقةٌ بالحب ثقَتَكِ بالسماء
إنه سيُعطيكِ قلبهُ ومملكتهُ وكل أزهار الربيع
وأنتِ ستمنَحِينَهُ الوِشَاحَ الخفيفَ لحنينكِ
الذي يجعل ُ المدى أزرقَ

أنفاسُكِ لم تلامس بعدُ خَفْقَ لُهاثِهِ في النشوة
وعينُكِ لم تَسبُر بَعدُ عمقَ إِخلاصِه
أقدامُكِ لم تقتحم بعدُ دائرةَ مصيرِه المُغلَقة
إنهُ مايزالُ سواءً عندكِ أن يكونَ أحمرَ أو أزرقَ
ولكن سوفَ يأتي يومٌ تتعلَّقين فيه به
كما تَعلَقُ وردةٌ بِغُصينها
حينما تُصبحُ عَتمَتُهُ نورَكِ ، وعَطَشُهُ ينبوعَكِ ،
حينما ستكونينَ جوَّالةً بين أبهاء قلعةٍ كبيرةٍ
شاعرةً بأنكِ تُحبين
وأنهُ يستطيعُ أن يَحياَ على خُبزِ نقائكِ الأبيضِ فَحَسبُ ،
وأن دمَه يمكنُ أن يتدفَّقَ من عُروقِ رقَّتك الأموميَّة
سيكون حبُّكِ رَاسخاً ورائعاً وصعباً ولا يُفارِقُكِ


إديت سودرجران
الآثار الشعرية الكاملة
أول مرة قريت فيها الكلام ده من 4 سنين مثلاً حسيت ان الست دي بتتكلم عني
وإن الكلام ده يخصني أنا تحديداً ومش أي واحدة تانية
ولحد دلوقتي لسّّة مصدقة الكلام ده
ويمكن اليومين دول حساه جواية مش بس مصدقاه
..............

4 التعليقات:

حواء يقول...

يمكن انا مختلفة عنك ..

هو كلام يتحس اوي ... يتحس ..

بس يتصدق ؟؟

مش عارفة ؟؟
يمكن يتصدق .. و انا اخاف اصدقه ..

محبش اصدق حاجة ثم أجدها خدعة .. أو سراب ..

هحب أقراه أكتر .. و أحسه ..

بس بيني و بينك .. محبش أصدقه ..

أنا للأسف أو لحسن الحظ .. ممن لا يصدقون إحساسهم ...

تحياتي لاختياراتك .. و لكتاباتك العذبة داااائما :)

العنكبوت النونو يقول...

بصي هي فيروز بتقول واللي اتذكر كل الناس في الآخر ذكرني
وصلاح عبد الصبور ليه قصيدة اخرها بيقول ان كل ده ممكن يرسي على مفيش
طبعا لا اجروء على ذكر النص رغم انني احبه كله لكن هذه الجملة من وجهة نظري كانت تجاوز لحدودنا كمخلوقات
عز وتعالى ربنا ان ينسى احدا
لكن ده مش معناه ان كل ده ممكن مايرسيش على مفيش
انا هأصدقه وهأعيشه ساعة ما ييجي وخلاص
بس كده

alexandmellia يقول...

أنا أتمناه لكني مازلت أخشي أن أصدقه

ست الحسن يقول...

حواء

منورة المكان دايماً

بس مع احترامي لاختلافنا في تقدير الأمور
بس فيه كلمة انت قلتيها قلقتني
(أنا للأسف أو لحسن الحظ .. ممن لا يصدقون إحساسهم )

في رأيي ان الإحساس هو عين تالتة بنشوف بيها الحاجات وبنقدر نلقط بيها مشاعر اللي حوالينا من غير ما يعبروا عنها
وبنقدر من خلاله نفهم حاجات كتير جوانا صعب كانت تتشاف أو تتفهم إلا من خلال باب الإحساس

وجودك جميل تعالي دايماً

..................

العنكبوت النونو

وكمان بتحبي فيروز
دا احنا لازم نبقي اصحاب

عموماً انك تصدقي حاجة أو تعيشيها أو تحسي بيها
فالموضوع ده نسبي جداً ومتغير
يعني النهاردة أكون غارقانة في الحلم
وبكرة ممكن أصحي من النوم

فاهماني

..........

كاميليا

منورة المدونة يا افندم

كلنا نتمني انه يحصل واننا نعيشه ونصدقه وانه يبقى بجد مش شوية وهم ملفوفين في سلفان بيبرق

متخافيش من حاجة
كل الحاجات الحلوة جاية في السكة