الثلاثاء، 31 يوليو، 2012

عزيزتي رضوى 2

.

.



أنا ضروري أرد على جوابك برغم إني مش قادرة أكتب
ومش عارفة أقول إيه
بس عارفة إنك هتطلي هنا وتستني ردي

بصي بأة
انتي لسة ما سافرتيش ... لحد دلوقتي انتي في السكة لهناك
معرفش الوصول شكله إيه يعني
بس انتي بتعرفيه وهتكتبي عنه كلام مختلف خالص


المهم يعني زي ما انتي عارفة إنه كل حاجة بتحصل بأوان
وأمريكا أي كلام ... يالله بقى بس من غير ما تزعلي نفسك
عمومًا أنا كنت أحب أسافر دلوقتي بس ألاقي شغل آدمي بمرتب معقول
في أي مكان وأنا أهج من بكرة
إحنا مش لازم نستنى في نفس المكان
إحنا ممكن ببساطة نزرع أرض جديدة خالص في أي حتة بعيد

استمتعي بالشوبنج وحاولي تنكشي الناس اللي في المول
أكيد عندهم حواديت غريبة يحكوها للمصرية الجديدة
اللي بتتمشى في المول وهي مش مبسوطة أوي

في انتظار جواب الوصول


....

رسالة رضوى



...

0 التعليقات: