الثلاثاء، 7 أبريل 2009

أختي وخطيبها





في المطعم
لا أكون على طبيعتي
أشعر أنني عددٌ زائد غير مرغوب فيه
وأرغب في الاختفاء
أختي تحاول إدخالي في الحوار بشتى الطرق
مع ذلك لا أندمج
الوجع وربما الغيرة يلتهماني ببطء
ومثل كل المرات أقرر ألا أخرج معهما مرة أخري

المغناطيس الذي يجذبهما معاً يٌشعرني بالبرد
أشعر أنني بلا قيمة ولن يحبني أحد....
أقاوم مشاعري
ومثل امرأةٍ طيبة أحاول الاندماج
أحاول ...
أحاول بلا فائدة

أشعر بالاستياء من نفسي وأتهمنى بالشر وبالحقد
أدخل في تيار من الوجع يعقبه شعور بالذنب
في طبقات متتالية
إلى أن يصل الأمر للبكاء داخل التاكسي في الظلام
أختي تشعر بي مع ذلك لا تعرف ماذا تفعل معي

غالباً ما أكره نفسي كلما انتابتني هذه المشاعر
أحاول التفكير في محبتي لأختي ورغبتي في أن تكون سعيدة
مما يجعلني أعتقد أنني أمثل دوراً ما في مسرحية
وأتصور أنه لا وجود للحب الذي أحاول ادعاؤه

الأمر ليس متعلقاً بالوحدة التي تلح أكثر في وجود اثنين متحابين
وإنما هي الغيرة العميقة والقديمة

من الأخت التي تشاركني معظم ملامحي وأفكاري وأصدقائي
وحجرتي

لا أستطيع أن أتأكد أبداً مما يحدث بداخلي.....
أرغب بشدة في فهمه وإدراكه
لأنني لا أستطيع أن أتحمل مشاعري كما هي
لا أستطيع ...
أحتاج أن أحبسها داخل فكرة محددة
كي أتجاهلها فيما بعد متذرعة بفكرتي عنها

أحتاج أن أفهم مشاعري لأنني لا أستطيع احتمالها


............

12 التعليقات:

Blank-Socrate يقول...

عزيزتى
هو نقد مجحف للذات
محاوله للتطهر و المثاليه نركز فقط على المثاليه المطلقه
فنتحامل على طبائعنا البشرية
يجب فصل محبتك لاختك عن شعورك بالاحتياج للحب فى تلك اللحظات
لماذا لا تقيمين محبتك لها فى الاحوال المعتادة الطبيعيه ؟
افكارك بالغيرة ليسه موجهه لاختك و انما ارتباط اختك ما يثير تلك الرغبات الملحه
:)
كفانا جلد للذات
-----
ايه رايك المرةالجابه اخرج معاكم
و نسيب اختك مع خاطبها و انا وانت نعمل بروفه او محاكاة للارتباط و نستفاد احنا الاتنين :)
تحياتى

Unknown يقول...

حبك لأختك موجود يا عزيزتي
وأنت لا تغارين منها شخصيا بقدر ما تغارين من حالة الحب التي تعيشها هي..

اسمحي لبعض أفكارك ومشاعرك بالخروج حتى وإن كانت غير نقية

فلذلك أنت بشر!!
مع تمنيّاتي أن تنتهي هذه الحالة قريبا حتى تجدي السلام مع نفسك قبل أي شيء آخر

nudy يقول...

غادة انت تقسين علي غادة اكثر من اللازم مع انها بشر ومن حقها ان يحدث لها ما يحدث وبعدين اصلا الشعور بالذنب ده اسوا شيء ممكن تحطي نفسك فيه لا لا لا يا غادة
فقط عودي اليك واتركي الله يرسل الينا محبته في وقتها بالتمام

وعلي فكرة انا موافقة جدا علي راي مينا اللي قرر يخرح من القوقعة علشانك ماشي يا ستي ومش ح انق عليكم
بس خدي بالك من غادة شوية اكثر من كده

صوى يقول...

هل هذه الكلمات عبارة عن فضفضة نفسيةواحالة لمشاعر ضاغطة او تطهر من عقدة ذنب عميقة الغور ؛ اعتقد انها لاهذه ولاتلك ولاشىء آخر ؛ انه الولع بالكتابة ؛ والبحث عن التعامل بشكل غير نمطى لعلاقاتنا الانسانيةمع الاخت والاخ والاصدقاء وبالتالى اكتشاف معادل على مستوى اللغة ومستوى التواصل / بالفن والكتابة نعيد اكتشاف ذواتنا؛....الخ

محمد سلامة يقول...

غادة
عايز أحييكي على شجاعتك الفائقة لإنك عملتي اللي فشلت قبل كده في اني اعمله
لما قررت أكتب مذكراتي بكل صدق و فشلت و مشاعرك دي مشاعر طبيعية جداً كلنا حسينا و بنحس بيها بس مش كلنا بنقدر نعمل زيك و نعلنها

Heba Faruq يقول...

نحن بشر ولسنا ملائكة..
لكن المهم في اعتقادي إنك تتمنين أن تكوني مكانها,لكنك لا تتمنين أن تكون هي مكانك وهدا هو الفرق بين الغيرة الطبيعية التي يشعر بها أي انسان ويمكن أن تكون حافزا له ليحسن من نفسه ومن وضعه وبين الحسد الأسود المدمر الدي لا يرضى فيه الانسان إلا بزوال نعمة أخيه

basma saghir يقول...

غادة يا غادة
انتي عارفاني ياغادة وعارفة اني اخر حد في الدنيا ممكن يدي نصايح..مش انا ابسلوتلي

بس انا عارفة انك بتحبيها وعمرك ما هتعرفي غير انك تحبيها

وايه يعني لما تغيري..دي بيكون اسمها غبطة على فكرة..نفسك يحصلك زيها بس مش عايزلها غير الخير

حصلتلي..والله حصلتلي

غادة ياغادة..انتي قمر من جوة ومن برة والله :)

هدى يقول...

دي تالت مرة آجي هنا واقرا البوست حاولت اعلق المرتين اللي فاتوا وما عرفتش

امبارح في المترو حيث لا توجد سوى الأفكار

خطرلي اني مش عارفة اتصورك في الوضع اللي بتحكيه

ان تجلسي في هدوء ... تستبدلي الابتسامة بالتجهم

غريب دا قوي ومش مصدقاه

بس بيحصل ... لان التغيير .. فرض عين على كل بني ادم

واحنا كتير قوي مش واحد بس

سيبك من العك دا كله

صباحك قرنفل

أبيض

ست الحسن يقول...

مينا الجميل

أخيراً نورت المدونة بعد غياب طويل
بص يا سيدي الموضوع مفيهوش جلد للذات أد ماهو مجرد تعبير عن حاجات الناس بتخاف تعبر عنها

موضوع البروفة دا اتكلمنا فيه قبل كدة

نورت يا افندم

.........

مياسي الجميلة

فعلاً السلام مع النفس أجمل حاجة ممكن تحصل
بس صعب نوصلها من غير مانقدر نتحمل أو نسمع للجزء المشوه أو المتألم اللي جوانا

نورتي يا جميلة

.........

نودي

الموضوع ده مكتوب من فترة
متقلقيش على أنا كويسة خالص طول ما انتي جنبي

..........

أستاذ عمر جهان
صاحب مدونة صوى
وأستاذي

نورت يا افندم في أول زيارة رسمية للمدونة
وبجد تعليق حضرتك فرق معايا جداً
وانبسطت انه أخيراً حد فهم انه الأمر مش شخصي ومش بالضرورة يكون عني تحديداً

موضوع الولع بالكتابة ده خطير

نورت يا افندم
واتمني تلاقي حاجات كتير تعجبك هنا

........

محمد سلامة

بالظبط يا محمد ...مشاعر طبيعية بس لما نبصلها بنظرة اتهام الدنيا بتتعقد والناس مبتبقاش قابلة نفسها

انا متأكدة انك تقدر تكتب أحسن من كدة
وخلي موضوع الإعلان أو النشر ده لبعدين

نورت يا محمد

.........

هبة فاروق

متقلقيش على في مسألة الفروقات بين الحسد والغبطة والغيرة
الحكاية أبسط من كدة
مجرد بنت غيرانه ان أختها اتخطبت وهي لأ
بس كدة

نورتي يا افندم

.........

بسمة ...بسبوسة الجميلة

ايه التعليق الحنين أوي ده
لمستي قلبي بجد
تسلمي وربنا يخليكي لية

ويارب اكون قد الكلام الجميل ده

نورتي يا افندم

..........

هدي الجميلة

عجبتني فكرة انك مش قادرة تتصوريني في الموقف ده
حسستني ان فكرتك عني مثالية أوي
بس عموماً مش بالضرورة أكون أنا البنت دي
وكوني كتبت عنها فالأني حاساها ومش بالضرورة تبقى هي أنا

ولو كانت هي فآه أنا ساعات بابقى متجهمة وحزينة وغضبانة ورخمة كمان
زينا كلنا

بس والله تسلمي
صباحك شبه ابتسامتك

.....

pink paradise يقول...

مش عراف ليه الناس بتاخد الموضع على انه موضوع شخصى او حقيقى
يا جماعة عاوز نحاول نبص للنص على انه نص ادبى مجرد من اى حاجة
الشجاعة دى مش جديدة على غادة
لان النص فى حد ذاته معبر اوى عن تفاصيل البنوتة اللى جوه كل المتناقضات
لدرجة انها تشعر بالغيرة من اختها
الجو مرسوم حلو اوى
حسيت اوى المشاعر اللى جوه
هناك جمل رائعة وواضح ان غادة حاسة بده لدرجة انهاكتبتها بلوم مختلف
-المغناطيس الذي يجذبهما معاً يٌشعرني بالبرد
-وأتصور أنه لا وجود للحب الذي أحاول ادعاؤه
اهنئئك يا غادة على البوست ده جدا

غير معرف يقول...

سيأتى اليوم ويكلل الحب هامتك صدقينى.. فقط احتسبى!!!!
نصيحتى لنفسى

وكفاية اننا بنعرف نحلم !!

qoya يقول...

شركة تعقيم بالدمام