الثلاثاء، 24 مارس، 2009

خبر هام وعاجل




يا جماعة فيه طالب في كلية الفنون الجميلة
عمل حادثة خبطته عربية و عنده نزيف في المخ..
واليوم في المستسفى ب 1200 جنيه و هو من الطلبة المغتربين
إسمه علي عبد الكريم في تانية تصوير
لو تحبوا تساعدوا بالتبرع ....

برجاء التوجه بأى مبلغ
للدكتور محسن حمزة وكيل الكلية( كلية الفنون الجميلة ) لشئون الدراسات العليا
أو دكتور سامح البنانى بقسم التصوير بكره بسرعة بإذن الله للضرورة.....
أو تبلغوا أصحابكم
وشكرا..
جزاكم الله خير


.....................

يا جماعة انا لما كنت بسمع الحاجات دي
كنت بقول ربنا يشفيه واكمل اللي بعمله

بس المرة دي غير كل مرة
المرة دي حاسة ان العشرين جنية اللي بروح بيها سينما
أو بدفعها مواصلات أحياناً ممكن تساوي حياة بني آدم

مش عارفة اشمعنى المرة دي تحديداً
يمكن علشان كليتنا ويمكن علشان الولد مغترب وأهله مش هنا

أرجوكم فكروا كويس قبل ما تمشوا
ع الأقل انشروا الخبر معانا لأكبر عدد ممكن من الناس


وربنا هو الشافي ،

.............


كلية الفنون الجميلة بالزمالك في شارع اسماعيل محمد متفرع من شارع البرازيل
تفاصيل اسم المستشفى ومكانها ولو فيه حساب للتبرعات هعرفها بكرة ان شاء الله
وهكتبهالكم

....


تحديـــــــــــث
.....................

الكلية قررت تدفع حساب المستشفى لحد الحالة ما تستقر
وتم وقف جميع التبرعات لحين خروج الولد من العناية المركزة

الولد موجود بمستشفى البنك الأهلي بالمقطم وللأسف الزيارة ممنوعة
مفيش أدامنا غير إننا ندعيله

ربنا يشفيه


.............