الأحد، 8 نوفمبر 2009

فصل في الغياب

.

.

.


على وشك السقوطِ في المرض أكتب لأئتنس
الحياة فارغةٌ بلا معنى
سأبدأ من الصفر هذه المرة أيضاً
لقد توقفتُ عن الانتظارات قسراً

أختى تزوجت وأصبح من غير الممكن أن أنتظر عودتها كل ليلة ....
وحبيبي غاب وتلاشى عطره المبهج من روحي
فلم يعد بإمكاني أن أنتظره هو أيضاً
لا أنتظر أحداً ولا أعرف من أنا

كيف سأعيد ترتيب ذاتي لأعرفني
سأبدأ من الكتابة لأذهب إلى ..... أين؟
مضطرةٌ للبحث عن عمل أي عمل ....

لن أسمح لحبيبٍ آخر بالدخول إلىَّ
لأن كل ما اختبرته عن الحب هو نصفه المؤلم

الحب = الغياب
لا أريده لقد تخليت عن الفكرة كلها

مع ذلك يجب أن أرضخ لفكرة الزواج
لأنني أحتاج أن أتكلم مع أحد
من سيسمع كل التفاصيل التي تفور برأسي
من سيناقشني في سيناريوهات الواقع المنهكة
من سيضحك معى على نكتة حمقاء تحمل معاني بعيدة
أختي تزوجت وأنا أكتب بدلاً من أن أبكي

الميكروباص ينادي أكتوبر... أكتوبر

فأفكر في الذهاب إلى أختي الجديدة
ولا أعرف ماذا سأقول لها

البيت يتسع والأشياء تظل في أمكانها ....
لا أحد يعنفنى حينما أضىء النور عند الفجر
ولا أحد يصرخ بي ( فين اللحاف )
أفتقد أختي ولا أعرف ماذا يحدث لي .... لا أحد يسمعني

أقول أختى تزوجت فيردون ( مبروك عقبالك ) ولا يستمعون لي
لن يفهم أحد
أشعر أني نصف إنسان .... ولا أعرفني
لا يوجد حولى سوى الأشباح الذين أكتب عنهم ولهم
أحارب نفسى لأخرج من البيت قليلاً ولا مكان لي

غياب أختى جعل الوحدة تبرق
وجعلني أكتشف هشاشة ذاتي .... أنا.... من؟

أحلم بأختى كل يوم وأتصل بها
مع ذلك أعيش داخل ذكرياتٍ ضبابية
بلا أسماء أو تفاصيل
فقط مشاعر ...مشاعرمخزنة طويلاً

هل يعاقبتي الله فيُغيَّبُ كل من أحبهم ؟
لا أعرف






.....

9 التعليقات:

حلم بيعافر يقول...

(نصف انسان)
من يصل الى هذا يكون قد اقترب الى الكمال
تقبلى مرورى

رضوى داود يقول...

أولا انتي مش بتبدئي من الصفر
و بعدين الصفر ليه مميزات كتير قوي
اهمها ان مافيش حاجة تتخسر منه
...
كيف سأعيد ترتيب ذاتي لأعرفني
ده السؤال اللي بقيت أسأله لنفسي كل يوم
ايوه ممكن أعمل اللي أنا عاوزاه بس هو أنا عاوزة ايه؟!
..
الحب = الغياب
مش عارفة,تجربتي بتقول كده برضه,بس لسه عندي أمل أن حد يثبتلي العكس
ولو أنه مش باين
..
أركبي و تعالي و لنجلس صامتين
ففي الصمت كل ما يمكن أن يقال و أكثر
..
هل يعاقبني الله فيغيب كل من أحب
لا أظن لكنها ضروريات البدء من جديد
لبعض الروابط القدرة على سحبنا ف الأتجاه المضاد
و للأسف لا يمكننا تكسيرها مهما أوتينا من قوة
..
في الفيزياء يطلق علي الموجات أمثالنا
"متفقين ف الطور"

الحمد لله على أخوتنا

nudy يقول...

نحن لا نبدا ابدا من الصفر دائما لدينا ما هو موجود لنكمل ولكن من نقطة جديدة علي المنحني

لقد توقفت عن الانتظارات قسرا
ربما علينا ان نتوقف عن الانتظار لنعيش

سابدأ من الكتابة لأذهب الي....
لتذهبي الي غادة جميلة تحيا بداخلك ولكنك تظلمينها حين لا ترين جمالها الكتابة ستخرجها حتي لو لم تريدي
ان الله لا يعاقبك ولكن فقط يسمح لنا ان نري ذواتا جديدة وقوة تظهر بداخلنا نملكها ولا نثق بها يسمح لنا ان نري اننا اقوياء بذواتنا قادرون علي الاستمرار والبحث وسنجد ما نريد يوما ما ولكن فقط علينا الا نفقد ايماننا بانفسنا

هدى يقول...

لا أحد يبدأ من الصفر,,

تذكرت فيلم cast away, كان عليه البدء من جديد, وكأنه أبونا آدم.. لكن في الحقيقة هو لم يبدأ من الصفر هو بدأ من الصورة التي ظل محتفظا بها تخبره أن هناك صفر وبعده واحد .. يقفان هناك في بداية الصف المنتظر الإكتمال....

يمكن تسميتها "وقفات", تخبرنا أن هناك متغيرات في الحياة وعلينا إعادة "رستقة" أوضاعنا النفسية والعصبية وحتى الجسدية عليها...

أحيانا بتكون الوقفات دي ملهمة ,, بفكر برضه في مشهد النهاية بتاع الفيلم ذاته... ملهم جدا

..

يمكن كمان بستغرب من خوفنا الأزلي من التغيير رغم إن دي سنة الحياة - ليست نصيحة- هي بس افكار بتروح وتيجي في دماغي بسبب هواجس بتلف في دوامة الغياب برضه

واللي خلاني افكر إن الحياة لازم تزحزح ناس أو أشياء أو أماكن من مكانها بالنسبة لينا عشان تفسح المجال لآخرين ... انتي قلتي دا في التدوينة ,,,

..

دا كله ما يمنعش ... إني قادرة أقف على تفاصيل إحساسك .. أو بعتقد دا ..

..

صباحك منور

هدى يقول...

الصدفة خدتني للتدوينة دي بعد تدوينتك

حبيتك تشاركيني

http://o7od.blogspot.com/2007/06/blog-post.html

ست الحسن يقول...

حلم بيعافر

عندك حق
معتقدش اني لسة وصلت لكدة خالص

مرورك دايماً جميل

.........

رضوى الجميلة

الموجات وأمثالنا كمان

مش الطور ده اللي هو القمة والقاع
يعني كدة احنا الاتنين في القاع
صح


.....


نودي الجميلة

اللي عنده أخت زيك صعب أوي يفقد إيمانه بالحياة

تسلمي


..........


هدى الجميلة

صباحك أكثر إشراقاً
ايه التعليق الدافي ده
حسستيني بونس شديد

شكراً أوي على التدوينة الملهمة اللي دخلتني بالصدفة على تدوينة تانية أكثر إلهاماً

متشكرة أوى

......

bosy يقول...

انالقيت المدونه دي بالصدفه في رحله بحثي علي حد احس انه بيتكلم علي لساني مش عارفه اقولك احساسك اد ايه في منتهي الرقه ووصلني وارجوكي كملي كتابه مهما قابلتك في الحياه صعوبات نفسي اعلق علي كل البوستات انتي خلتيني قاعده اقرا المدونه من اول ما بداتي وشجعتيني اما قلتي انك كتبتي 50 بوست ولسه ماحدش عارف انا كنت بفكر ابطل اكتب مع اني كنت عاملاها لنفسي وما كنتش مهتمه مين يكتب لي
بجد انتي جميله وعجبني ماريا واختك والتدوينات الاولي كمان وامنا الغوله وكلامها لست الحسن مش عارفه اقولك عجبني ايه ولا ايه

ست الحسن يقول...

يا بوسي

انتي نورتي المدونة ورأيك في التدوينات فرحني خالص
شكراً ع العم الجامد

وانتي كمان بتكتبي حلو
بس الناس مش بتعلق عندك لأان خانة التعليقات عندك مش شغالة
ممكن يكون عيب في التمبليت اللي انتي حاطاه
بسهولة ممكن تغيريه

بسرعة صلحي الحكاية دي
علشان أدخل أعلق عندك بالتفصيل


نورتي يا بوسي

bosy يقول...

فعلا يا قمر صح ربنا يخليكي اخدتيني بالي