الجمعة، 29 مايو 2009

خطابات الافتتان الأولى


-----------------------------------------(1)


..........................خطاب لن يصل إلى عيشة
-----------------------------------------------------------

قالت: ( بحب واحد مش من توبي

ومش عارفة أعمل إيه )
قلتُ: ( وأنا أيضاً)

الفارق بيننا

أنها أقرب إلى نفسها بحيث يمكنها الاعتراف ببساطة

قالت ( بحبك أوي .... بس مبفهمش كلامك )
ثم اقتربت منه
وتركت أثراً لا يُمحي بقلبه

لستُ قريبةً من مشاعري
كي أصرخ

( أحبك بالرغم من أنك لا تراني )
خوفي ألجمني
تصورت أنه سيفر ...

سيفر بعيداً

أما أنتِ
فقد اقتربتِ
أطلقت حناناً مشتعلاً باتجاهه ..

مازال أثر احتراقه يلمع بعينيه

يا عيشة
عيناه تمتلىء بكٍ تروحين وتجيئين ...

يحفظ رنة صوتك وطريقتك في المشي
بالرغم من أنك لا تفهمين خيالاته الشاسعة ...
ولا يمكنك التقاط حبل ذكرياته حينما يضيع

أنا أفهم ابتسامته
وكل الكلمات التي لا يقولها
آه
أرغب في التنازل عن كل ما أفهمه وكل ما لا أفهمه
سأتركهم لكِ
لقاء خمس دقائق فقط بين ذراعيه
أرغب في تبادل الأماكن معكِ

يا عيشة
ليس خطؤك أنك لا تعرفين القراءة
أنا أعرفها
مع ذلك ...
أنا مثلك
وحيدة

يا عيشة الجميلة والحية
لا تخافي

أحبُّ ابتسامته وهو يحكي عنك....
ضحكة عينيه وهو يدللك

يا عيشة البعيدة
لا تخافي

لقد أحبَّكِ
أحبَّكِ



.........






تعليق أمنا الغولة
وجد مكتوباً على الهامش

مش عايزة أبقى تصبيرة ف حياتك
بنت أحسن من مفيش
واحدة والسلام

مش عايزة الحدوتة دي
عايزاك انت وبس
مش عايزة اتجوزك
بس عايزة أبقى بطلة ف حياتك
زي ما انت بطل ف حياتي

الدور التاني مينفعنيش ولا ينفعلك
صعب أوي أكون واحدة ف حياتك
على ما تُفرج

امشي ... امشي بعيد
مش عايزاك خلاص

.......





.
.

10 التعليقات:

nudy يقول...

الي غادتي القريبة
البوست مليان احاسيس ومشاعر كتير وحاسه بالتوهان واللخبطة
معرفتش اكتب ايه ولكن فقط ان اتمني لك الا تكوني مكان اي حد ولكن ان تكوني بطلة حقيقية في حكاية حقيقية لبطل انت غادته الوحيدة.

رضوى داود يقول...

هو انا بس كنت عايزة اقول ان ...
...
...
الباقي اما نتقابل بقى

نهى جمال يقول...

لستُ قريبةً من مشاعري
كي أصرخ
( أحبك بالرغم من أنك لا تراني )
خوفي ألجمني
تصورت أنه سيفر ...
سيفر بعيداً
...

و الهامش قريب قوي و بيوجع قوي

في وقته الذي هل هذا ما تريده ؟؟؟
أو ستنفذه فعلا !
و لا هتخضع لست الحسن


وحشاني على فكرة :)

غير معرف يقول...

"مذهب"
أمّايا يا أمّا شدّي الضفاير
شدّي رباطها عصّبيني !
لو قادرة يامّا تقيديها
قيديها وقيديني!

(1)
شعوري موجة!عمالة تلعب
عمالة ترقص فوق جبيني
شعوري شوق وبشوقي حايرة
ماانا عارفة ماشية ماانا عارفة طايرة!
وكلام ف سرّك وبقولها مرة
عذاب بحسه عذاب وثورة!

"مذهب"

(2)
أمايا يامّا جوايا ليه
أمايا يامّا جواية إيه
جوايا حيرة جوايا ضلمة
جوايا طير قلقان ف عشه
لا أنا قادرة أشيله ولا قادرة أهشّه
وكلام ف سرّك وبقولها مرة
عذاب بحسه عذاب وثورة!

"مذهب"

آيــة يقول...

يا نهااااااااار
ايه يا غادة ده ...

انا ميتة إرهاق ... هنام و لما اصحى هعلق عشان ادي التعليق حقه
بس قلت مينفعش مقولش حاجة بعد ما اقرا .. حتى لو كان ...

يخرب بيت كده!

بسمة ولكن.. يقول...

خوفي ألجمني
أما أنتِ
فقد اقتربتِ
أطلقت حناناً مشتعلاً باتجاهه ..
مازال أثر احتراقه يلمع بعينيه
.
.
قوية الحتة دى
وهيفضل كل واحد واقف.. يتفرج على كل حاجة بتتاخد من بين ايديه..من بين ضلوعه..من مخزن افكاره..
وهو لسه بيتفرج

آيــة يقول...

دودو .. يبدو أنها مش مسألة إرهاق !
انا فعلا مش عارفة اعلق ..


انتي وجعتي حتة في و لمستيني اوي اوي و اوي ..
عايزة أنحني جدا احتراما و إجلالا لتعليق أمنا الغولة و اقولها ..متضعفش قدام حقها في انها تكون البطلة ، و لا تندم لو قالتله يمشي ..

بعض المرات لازم نقول

يادور البطولة .. يا بلاش يا ولا ;)
مهما خلف ذلك من ألم ..
أعجب من هذا الحب الذي يجعلنا نرضى بعض مرات بالدور الثاني .. و الثالث ..و الـ و خلاص ..و السلام
بكره ( و خلاص ) و ( و السلام ) دول اووووي ..

كنت امبارح بقول لواحدة ..
انا بحس ان غادة بتاخد شرايح من روحي على مهل و بالراحة و تحطها تحت الميكرسكوب و تبصصني عليها بكلماتها ..
و ده على اد ما بيحضن اوي اوقات و بيدفي .. اوقات بيوجع و يخض ..
مش عارفة انتي بتعملي كده ازاي يا دودو ...

ربنا يفرحك و يراضيكي .. بمقدار ما أحمل لك من حب في صدري .. و أكثر
:)

ست الحسن يقول...

نودي

تسلمي يا جميلة
واتمنى انك تقريه تاني
ومتحسيش باللخبطة


نورتي يا قمرة

............

رضوي الجميلة

هو انا بس كنت عايزة اسمعك
اكتبي اللي تحبيه
براحتك خاااالص

منورة يا جميلة

.............

نهى القمراية

إنتي واحشاني أكتر

أنا كمان يا نهى منحازة لامنا الغولة
مش يبان انها صعبة وبتوجع
بس شجاعة أكتر من ست الحسن
وبتجيب م الآخر

ومين يا بنتي اللي يقدر يغير تفكير أمنا الغولة ده
دي ممشيانا كلنا وراها أصلاً

مرورك جميييييل

.......

غير مُعرف

لا أعاني من اصطخاب حاد في المشاعر
ربما أعاني من القسوة

..........

آيه الجمييييييييييييييلة

طبعاً مش هتعرفي تعليقك أثر فيا إزاي
بجد لمستي قلبي
وحسستيني اني بطبخ أكل يشبع هنا
بجد
أنا حسيت انه فيه معنى حقيقى وبيوصل

تسلميييي جداً
وانتي كمان ربنا يسعدك

بجد يا آيه
وجودك بيفرق معايا جداًًًًً

............

بسمة ولكن

أهلاً بيكي في أول زيارة للمدونة

والمسألة مش انه الواحد بيتفرج على الناس اللي بيضيعوا من قدامه
قد ما هو بيحاول يفهم ليه بيشتبك مع ناس عمره ما شافهم

نورتي يا افندم
واتمنى تيجي تاني


........

من اجل عينيك يقول...

جميلة القصة جدا
وطريقة السرد رهيبة

انت اديبة روعة روعة

الموقف بين البنتين والحوار الكامن كل كل شئ جميل

لكن تعليقي على الجزء الاخير
او لنقل رأيي الشخصي

أن المهم أني ألاقي الشخص اللي أعرف أحبه ( بجد) . حتى لو كان مكاني دور تاني او تالت او اخير . المهم اني متأكده اني باحبه ومستمتعه بحبي له .
يمكن يجي حد يحبني و يعملني بطلة . وانا مش باقدر الاقي معاه الحب الحقيقي جوايا انا . المهم دايما ( أنا ) مش ( هو ) يعني لو أنا فعلا باحب هاقبل اكون حتى لو الاخيرة في حياته . لو هو بيحبني بس مش عايزة ابقى بطلة
كوني أنا أحب ده شئ أصعب بكثير


انا بحبك ياغادة :)

التكعيبة للتنمية الفنية و الثقافية يقول...

مهرجان النشر الجماعى الاول

تقيم التكعيبة للتنمية الفنية و الثقافية مهرجان سنوي للنشر الجماعي للقصة و القصة القصيرة و الشعر بالعامية و الفصحى، سيكون موسمه الأول هو عام 2009.

و مفهوم النشر الجماعي هو مجموعة قصصية أو مجموعة شعرية لأكثر من مؤلف بين ضفتي كتاب واحد يجمع تلك الأعمال التي سيتم اختيارها عن طريق لجنة تحكيم في كل مجال على حدا، و يتم تحديد أعضاء اللجنة لكل دورة مهرجان.
و يصدر بتلك الأعمال مطبوع/ كتابين أحدهما للقصة و الآخر للشعر سيتم نشره في عامه الأول بالتعاون مع دار دَون، و يتم توزيعه و بيعه في الأسواق
لمساعدة الكتاب أصحاب العمل الواحد و كذا الكتاب الجدد الذين لم تتكون لديهم مجموعة قصصية أو شعرية بعد، في نشر أعمالهم المميزة بدون مقابل مادى

و ترسل الأعمال مرفق بها اسم الكاتب، عنوانه,رقم تليفونه,ايميله، وظيفته، سنه، سابقة نشره للعمل المقدم من عدمه او فوز العمل فى اى مسابقات ادبية
و ذلك في رسالة إلكترونية معنونه باسم المجال الذي يريد المشاركة في مسابقته مرفق بالرسالة العمل بصيغة وورد، و يفضل أن تكون تلك الأعمال مسجلة باسم أصحابها لكنه ليس شرطا لقبول العمل

ترسل الاعمال على ايميل

nashrgama3y@gmail.com

لمزيد من المعلومات حول المهرجان
http://eltak3eiba.blogspot.com
او
http://www.facebook.com/group.php?gid=94334335985#/group.php?gid=94334335985

مزيد من المعلومات حول التكعيبة
http://www.facebook.com/groups.php?ref=sb#/group.php?gid=29491316206



ملاحظات :
الاعمال المشاركة بالمهرجان هى فقط التى ترسل عبر الايميل او تسلم باليد
مسموح بالاشتراك بأكثر من عمل فى اى مجال
اخر موعد لتلقى الاعمال 15-7-2009


مع تمنياتنا للجميع بفرصة عادلة فى النشر
احمد حسن
0193953620
( رقم محمول داخل جمهورية مصر العربية )