the true woman

الرجل الذي لم يكتب يوماً عن حبٍ صاخب،....... أعرفه .
لم يقل لامرأةٍ تحرك مشاعره أنه يحبها، لم يناقش شوقاً وارفاً ينمو كلما ذكر اسمها،...... أعرفه .
............................
يفكر أنه يحبها وأنها ....................
الرجل يترك حبيبته وحيدة وخائفة من كثرة الأشياء الصامته التي تشعر بها وتراها بعينيه
ولا تعرف أبداً إن كانت حدثت حقاً أم لا
الرجل يذهب إلى أخرى
يتزوج من المرأة التي من المفترض أن يتزوجها
المرأة المناسبة ... الملائمة ..........

الرجل الذي يتجاهل تأثيرها عليه
لم يكتب يوماً أن امرأةً جعلته يشعر برجولة فائقة بلفتةٍ صغيرة
لم يكتب عن الاشتعال المباغت والرغبة الحارقة............

سيتزوج أخرى
ويسهر بجوار امرأةٍ لم يُكتب لها أن تُحِب/تُحَب
يملك بيتاً وطفلاً وعملاً
يملك أشياءً كثيرة
ويصادرُ نظرَته إلى امرأةٍ يشتهيها
يصادرُ اسمها من شفتيه
يصادرُ شغفاً عميقاً وروحاً تتوق.........

الرجل يود لو يبقى هـــنا
تحت سماءٍ واسعة
بجوار امرأة حيَّة ...... وحقيقية
وغير مناسبة على الإطلاق.

أتى

هل يمكن أن أكتب عن كل الأشياء الهاربة التي تأتي إلىَّ ولا تذهب
كيف أكتب عن لحظة رقيقة تحطُّ بين يديَّ
عن آلافٍ التفاصيل التي لا أستطيع قراءتها

سيقولون لقد أتى وأقول لقد ذهب
أظنه سينطق اسمي الآن بينما تكتمل القافية بدوني

الولدُ أتى
بأبيضه الذي يبرز إضاءة ابتسامته
الابتسامةُ التي أصفها لهم ولم يرها أحد
سيتهمونني بالخبل لأن الولد لم يأتِ وإن أتى فلم تفلت منه ابتسامة
هذا الولد منزوع الفم
لم يسمعه أحدٌ من قبل ولا يعرفون له اسماً

يقولون ترسمين من خيالك ولدٌ بابتسامة وتصنعين قاعة كبيرة

وقصيدة تنتهي قافيتها باسمك
تقولين
أتى
وصرخ باسمي على ملأٍ كبير

فأتيتُ أنا .

women run with wolves

أن نكون مع أناس حقيقيين يبعثون فينا الدفء، يساندوننا ويمجدون إبداعنا - هو أمر أساسي من أجل تدفق الحياة الإبداعية . وإلا فإننا نتجمد .
الدفء هو نوع من الغموض ، إنه بكيفيةٍ ما يشفينا وينبعث فينا .......
هو المحرر والمخفف للأشياء المقيدة والمكبوتة ، إنه يعزز التدفق ، هو الحافز الغامض على أن نبقى ونكون
هو التحليق الأول للأفكار الطازجة .
وأياً ما كان الدفء فهو يجذبنا الآن أقرب وأقرب ...

كلاريسا بنكولا

نساء يركضن مع الذئاب

شوق

رأت في منامها أنها حصلت على (الشاطر حسن) .... وأن زواجهما سيتم قريباً..... قامت من نومها متفائلة ...... لم يكن الجو من حولها مناسباً لذلك ... كادت أن تتعثر حينما تخطت طفلتها التي لم تتجاوز الثامنة .... تذكرت "الزوج الغائب" .... عادت إلى النوم !

إبراهيم عادل

المسحوق والأرض الصلبة

مشاعر متكررة

الولد يطرأ على ذهني كثيراً لم أقل له أنني أدعوا له في الفجر
الولد دافيء جداً وليس ثمة دليل واحد على أنه يفكر بي
يشتبك معي في الحوار بلطفٍ شديد
وبرااااح .......... برااااح زائد
أفكر فيه / به
له طريقة خاصة في الابتسام ، وجهه يتحول حينما يضحك
ابتسامته تلغي المسافة بيننا تجعلني أصدق أنني أعرفه بالرغم من أنني لا أعرفه

أفكر به وأحاول ربط اسمه بحروفي داخل أشكالٍ عدة
أفكر به ولا أعرف إلى أين تأخذني الحياة
بعيداً عنه أم بالقرب منه
ربما سيكون بيننا نهر لن يُسمح لنا باجتيازه
أو ستكون قصتنا مثل حريرٍ ناعم حانية وسلسة
ربما لن تكون هناك أي حدوتة

فقط ولدٌ يخطف ذاكرتي
لا أكثر

حياة

كانَ، تقريبًا، يبدِّدُ الوقتَ
رسمَ إناءً
رسمَ زهرةً في الإناء
وطلعَ عطرٌ من الورقة،
رسمَ كوبَ ماء
شربَ رشفةً
وسقى الزهرة،

رسمَ غرفةً
وضعَ في الغرفةِ سريرًا
ونام

... وحينَ استفاقَ
رسمَ بحرًا
بحرًا عميقًا وغَرِقَ

وديع سعادة

بسبب غيمةٍ على الأرجح

من مذكراتي

أنت لا تعرفين هل رأسك وحدها المملؤة بهواجس خصبة تجاه هذا الولد
رأسك وحدها مفعمةٌ بخيالاتٍ رحبة عن الجلوس متقاربين لحظة غروبٍ ما أو عن لمساتٍ رقيقة تحطُّ على وجهك أوعن يدك وهي تتخلل شعره وتموج في ملامحه.
.....................................................
لن تعرفي أبداً

لا أستطيع الحكي عن تلك الخواطر الكثيفة التي تمطرني به بجواري ينظر بعينيَّ عميقاً ويراني . لا أحد يرى الأفكار الحيَّة التي تدور برأسي كلَّما رأيته أو لامست صوته .
فقط أنا أتعذب بكل الأشياء التي لم تحدث ولن تحدث .

2006

كان صحيحاً أنها رأت في حياتها الكثير من الأشياء
وتحملت النتائج التي ترتبت عليها،
ولكنها أشياء لم تكن مهمة، مثل تأجيل جدل كان من الممكن حله باعتذار،
أو عدم الاتصال برجل كانت واقعة في غرامه،
لأنها ببساطة ظنت أن العلاقة لن تقود إلى أي مكان،

كانت متعالية على الأشياء الصغيرة،
وكأنها تحاول أن تثبت لنفسها كم هي قويةٌ وغير مكترثة،
في حين كانت في الواقع مجرد امرأة هشة .

باولوا كويلهوا

فيرونيكا تقرر أن تموت

يوم تقيل جداً

النهاردة كان يوم غريب أوي
كل الحاجات ملخبطة ، صحيت من النوم على تليفون واحدة صاحبتي بتعاتبني إني مكلمتهاش
وانا حاولت أقولها إني بقالي مدة مكتئبة
تقريباً مصدقتنيش وكانت النتيجة إني غرقت في إحساس بالذنب

بعدين روحت مناقشة مجموعة قصصية وديوان والمكان كان غريب والناس مهيسة ،
بعدها قعدت شوية مع واحدة صاحبتي وقعدنا نحكي في ذكريات قديمة أوي ........
في الآخر روحت بيتنا لقيت أختي عيانة وبيتخانقوا معايا علشان اتأخرت .

مش عارفة أعمل إيه في الدنيا اللي أنا عايشاها دي
فيه ناس كتير أوي بيحاولوا ونفسهم يتعرفوا علىَ وأنا بجد بقيت بدي الناس فرصة إنها تقرب مني
وده في حد ذاته إنجاز
المهم إني حاسة إن برغم إن ده بيحصل إلا إن النتيجة صفر

مفيش دفا بييجي من أي إتجاه
ودي حاجة غريبة جداً

ليه ولاد كتير أوي مستعدين يقعدوا يسبلوا طول الوقت أو يقولوا كلام عبيط ومعندهمش أي استعداد
إنهم يتكلموا من قلبهم
ولاَّ أنا بدور على حد قديم ينفع يتكلم من قلبه ويفرح من قلبه ويتوجع من قلبه
مش عارفة
الموضوع ده عاملي أزمة
حاسة إن أنا عايشة في كوميديا سودا
كل الناس دول حوالي
كلهم عايزين يعرفوني وياخدوا فرصتهم معايا
ومفيش حد قادر يحس بالبرد الشديد اللي أنا عايشا فيه واللي قرب يجمدني

ما علينا
كل حاجة هتيجي في وقتها

فرحةٌ ناقصة

معبأةٌ بمشاعر مختلطة لايمكن فكَّ تشابكها
غارقة في وجع الاختناق بفرحٍ لم يُعبَر عنه ، كلما أطلّ علىَّ وجهه أو لامست صوته أتووه ولا أعرف لماذا أنا ملعونةٌ بكل الأشياء التي لم تتم . لماذا وجدته في الزمن الذي لن يسمح لنا بالبقاء معاً ، لماذا؟
أشعر أن لعنة ما تتبعني أو أن الآخرين يكشفون مخاوفي فيعذبونني بكل الأشياء التي لا تجد نافذة للطيران أو فرصةً للتحقق

أنا اتسرقت يا جماعة

اللي حصل إن الشقة (اللي احنا عاملينها مرسم ) اتسرقت ، الحرامية _مرجح انهم اثنين_ فتحوا الباب ببلطة حديد وسرقوا كاسيت وكاميرا.

مش مهم الحاجات اللي اتسرقت كانت غالية ولا لأ بس المهم ان أنا كنت خايفة أوي على اللوحات والكراسات كنت خايفة على الكتابة وعلى الأفكار كنت حاسة إن فيه حاجات كتير أوي غالية في حياتنا ممكن منحسش بقيمتها إلا لو اتسرقت مننا.

أنا مش عارفة أنا بكتب الكلام ده لمين لأن من ساعة ما عملت المدونة محدش قراها ومفيش ولا تعليق واحد عليها ، بس أنا محتاجة أتكلم حتى ولو كنت بتكلم مع نفسي ، المهم أنا حاسة بفقدان أمان شديد وبخوف ، في نفس الوقت مبسوطة إن الأمر بس كان شوية حاجات اتسرقت وان محدش جرى له حاجة .

تقدوروا تقوله إن أنا مفزوعة شوية وعنية غرقانة ومش عارفة أرد على أختي بإيه لما بتقولي إن السرقة دي علامة على حاجة مهمة أوي

هي حاسة بالذنب وحاسة إن إحنا مش بنقدر نحافظ على حاجتنا وإن الحرامية ممكن ييجوا تاني ويسرقوا بيتنا ومحدش عارف ساعتها ممكن يحصل إيه .

كتير أوي ماما كانت بتقول لنا لما تطلعوا في المرسم لازم أقف تحت أستنى لحد ما تقفلوا وراكم واطمن لأن ممكن يكون فيه حرامي مستنيكم فوق . طبعاً إحنا كنا بنتريق عليها ونقول لها حرامي إيه ده الغبي اللي هيطلع يسرق مرسم وهيطلع يسرق منه إيه أساساً وانت خايفة على إيه دا إحنا نخوف ألف حرامي ونضحك ونطلع واحنا شايفين إنها بتبالغ وإن الحكاية مش مستاهلة قلق

مش عارفة أشرح أنا حاسة بإيه ،حاسة إن كل التحذيرات اللي كنت باخدها باستخفاف وبقلة اهتمام ممكن تبقى حقيقية فعلاً يعني ممكن حد فعلاً يأذيني وانا راجعة بيتنا باليل وساعات بيبقى متأخر.

وممكن أقع في بلاعة مفتوحة وممكن حد يغتصبني وممكن وممكن ..........................

كل الحاجات الوحشة أوي اللي ماما بتحذرني منها كل يوم واللي أنا كنت باتجاهلها يمكن عن قصد لأني مش هقدر أعيش خايفة من كل حاجة وببساطة كده مش هخرج من بيتنا أصلاً .

أنا عارفة ومتأكدة إن ربنا بيسترها معانا وبيحمينا من حاجات كتير وحشة جداً ممكن تحصل لنا في أي وقت بس أنا دلوقتي خايفة شوية

ربنا يطمنا كلنا

ليه مبقاش فيه ثقة بين الناس وبعض ؟

النهاردة أنا حاسة ان استقبالي للحاجات فيه حساسية عالية .

مثلا افتكرت حاجة مهمة حصلت وانا عندي 8 سنين ، كان عندنا ابن جيران أكبر مني ب 9 سنين وكنت بحبه أوي ومقلتش لحد خالص على الموضوع ده إلا لأختي وبعدين أفتكر في مرة كنا عندهم أنا وأختي ومامته كانت موجودة وبعدين أختي قالت له اني باحبه كلهم انفجروا في الضحك وأنا وشي جاب ألوان وكنت مكسوفة أوي ساعتها هو قالي انت مقلتليش ليه مش اللي يحب حد لازم يقوله .

من ساعتها وانا بطلت اعترف اني بحب حد أبداًً ولا اشتكي لحد من أصحابي لدرجة اني عمري ما قلت لولد اني بحبه أبداً بالرغم ان أنا حبيت ناس كتير بس عمري ما كانت عندي الشجاعة اني أعترفلهم
بدأت أفكر اني عمري ما بقول للناس بجد ايه اللي واجعني لأني بتخيل دايماً إما ان أنا أبقى غير مفهومة وإما أتعرض للأذى، فبقيت بعيدة بعيدة أوي محدش يقدر يأذيني وكمان محدش يقدر يدفيني

يااه
كل الوقت ده ضاع
كل الوقت ده وانا مش قادرة أعيش مشاعري الحقيقية لأن الناس هتقول علي كئيبة أو غريبة المهم اني محدش هيحبني

دلوقتي بس عرفت ان عدم الثقة في الناس آخرته انك مبتقاش واثق بنفسك أو حتي شايفها صح ولا بتسمح لنفسك انك تحب وتتحب